അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഡെല്റ്റ, ഒമൈക്രോണ് വകഭേദങ്ങള് ‘ഇരട്ട ഭീഷണി’ ആണ്. ഇത് പുതിയ കേസുകളുടെ എണ്ണം ചിലപ്പോൾ റെക്കോര്ഡ് ഉയരത്തിലെത്തിച്ചേക്കാം. കോവിഡ് ‘സുനാമി’ തന്നെ ഉണ്ടാകാമെന്ന് ഡബ്ല്യുഎച്ച്ഒ മേധാവി ടെഡ്രോസ് അഥാനോം ഗെബ്രിയേസസ് പറഞ്ഞു.ഡെൽറ്റ,ഒമൈക്രോൺ എന്നിവയുടെ വ്യാപനം കുതിച്ചുയരുമെന്നാണ് ലോകാരോഗ്യസംഘടനയുടെ മുന്നറിയിപ്പ്.
ഇതുവരെ വാക്സിന് സ്വീകരിക്കാത്തവരില് മരണ നിരക്ക് കുതിച്ചുയരുമെന്നും ഡബ്ലിയു എച്ച് ഒ മേധാവി പറഞ്ഞു.ഒമൈക്രോണ് വകഭേദത്തിന്റെ വ്യാപനം ആശങ്കപ്പെടുത്തുന്നു. ഒമൈക്രോണ് വകഭേദം വാക്സീന് എടുത്തവരെയും ഒരിക്കല് രോഗം വന്നുപോയവരെയും ബാധിക്കുന്നതായി തെളിഞ്ഞിട്ടുണ്ട്. ഇത് ആരോഗ്യസംവിധാനങ്ങള്ക്കു മേല് വലിയ സമ്മര്ദ്ദം ചെലുത്തുന്നതായും ലോകാരോഗ്യ സംഘടനാ മേധാവി വ്യക്തമാക്കി.
ആരോഗ്യ സംവിധാനം പല രാജ്യങ്ങളിലും തകരാനിടയാവുകയും, ആശുപത്രിയില് ആകുന്നവരുടെയും മരിക്കുന്നവരുടെയും എണ്ണം വര്ധിക്കുന്നതിനും കാരണമാകുകയും ചെയ്യും. ഇതുവരെ വാക്സിന് സ്വീകരിക്കാത്തവരില് മരണ നിരക്ക് കുതിച്ചുയരുമെന്നും ഡബ്ലിയു എച്ച് ഒ മേധാവി പറഞ്ഞു.ഒമൈക്രോണ് വ്യാപനം ആശങ്കപ്പെടുത്തുന്നു.
ലോകരാജ്യങ്ങളില് സ്ഥിതി രൂക്ഷമായിക്കൊണ്ടിരിക്കുകയാണ് .അമേരിക്കയില് ഈ ആഴ്ചയിലെ രോഗികളുടെ എണ്ണം ഇതുവരെയുള്ള ഏറ്റവും ഉയര്ന്ന നിലയിലെത്തിയിരിക്കുകയാണ്.യൂറോപ്പില് കോവിഡ് വ്യാപനം അതിരൂക്ഷമാണ്. ഇറ്റലി, ഗ്രീസ്, ഫ്രാന്സ്, പോര്ച്ചുഗല് തുടങ്ങിയ യൂറോപ്യന് രാജ്യങ്ങളില് പ്രതിദിന രോഗികളുടെ എണ്ണം ഇതുവരെയുള്ള ഏറ്റവും ഉയര്ന്ന നിലയിലാണ്. ഫ്രാന്സില് ഇന്നലെ മാത്രം രണ്ടു ലക്ഷത്തോളം പേരാണ് രോഗബാധിതരായത്.
