അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കൊവിഡ് 19 പ്രധാനമായും ശ്വാസകോശത്തിന്റെ പ്രവര്ത്തനങ്ങളെ ബാധിക്കുന്നത് . എന്നാല് കൊറോണ വൈറസ് (Coronavirus) ശ്വാസകോശത്തെ മാത്രമല്ല, ഹൃദയത്തെയും (Heart) തലച്ചോറിനെയും (Brain) വരെ ഗുരുതരമായി ബാധിക്കുമെന്നാണ് പുതിയ ഒരു പഠനം പറയുന്നത്. നാഷണല് ഇന്സ്റ്റിറ്റ്യൂട്സ് ഓഫ് ഹെല്ത്ത് ആണ് പഠനം നടത്തിയത്.
കൊവിഡ് ബാധിച്ച് ദിവസങ്ങള്ക്കുള്ളില് തന്നെ, കൊറോണ വൈറസ് ശരീരത്തിലെ പല അവയവങ്ങളെയും ബാധിക്കുമെന്നും ദീര്ഘക്കാലം അവയ്ക്ക് അവിടെ നിലനില്ക്കാന് കഴിയുമെന്നുമാണ് ഗവേഷകര് പറയുന്നത്. ജേണല് നേച്ചറിലാണ് ഈ പഠനം പ്രസിദ്ധീകരിച്ചത്.
നേരത്തെ കൊവിഡ് ഭേദമായ 78 ശതമാനം രോഗികളിലും അവരുടെ ഹൃദയത്തിന് കാര്യമായ വ്യത്യാസങ്ങൾ കണ്ടെത്തിയിട്ടുണ്ടെന്ന് ഒരു ജർമൻ പഠനം സൂചിപ്പിച്ചിരുന്നു. രോഗം ഭേദമായ നൂറിൽ 76 പേരുടെയും ഹൃദയത്തിന് ഒരു ഹൃദയാഘാതം ഉണ്ടായതുപോലെയുള്ള ലക്ഷണങ്ങൾ ഉണ്ടായിരുന്നതായും പഠനത്തിൽ പറയുന്നു. ജർമനിയിലെ ഫ്രാങ്ക്ഫുർട്ട് യൂണിവേഴ്സിറ്റി ഹോസ്പിറ്റലിലെ ഗവേഷകരാണ് ഈ പഠനം നടത്തിയത്.
കൂടുതൽ പഠനങ്ങൾ നടത്തുന്നുണ്ടെന്നും അതിൽ നിന്നും ലഭിക്കുന്ന ഫലങ്ങളും സമാനമാണെങ്കിൽ കൊവിഡ് 19 മഹാമാരി ഭാവിയിൽ ഹൃദയപ്രശ്നങ്ങൾക്കും കാരണമാകാമെന്ന് ജാമ കാർഡിയോളജിയിൽ എഴുതിയ ലേഖനത്തിൽ പ്രമുഖ ഹൃദ്രോഗവിദഗ്ധർ അഭിപ്രായപ്പെട്ടിട്ടുണ്ട്.
https://www.youtube.com/watch?v=f_Fs1g9Hymo
