അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അബുദാബി:യുഎഇയിലെ ജനസംഖ്യയിലെ 91 ശതമാനത്തിലധികം പേരും വാക്സിന്റെ രണ്ടു ഡോസുകളും സ്വീകരിച്ചിട്ടുണ്ടെന്നാണ് ആരോഗ്യ മന്ത്രാലയത്തിന്റെ കണക്കുകള് വ്യക്തമാക്കുന്നത്. അതേസമയം 1621 പുതിയ കോവിഡ് കേസുകളാണ് ഇന്നലെ യുഎഇയില് റിപ്പോര്ട്ട് ചെയ്തത്. 585 പേര് രോഗമുക്തി നേടിയതായും യുഎഇ ആരോഗ്യ മന്ത്രാലയം അറിയിച്ചു.
കോവിഡ് ബാധയെ തുടര്ന്ന് ഒരാള്ക്കാണ് ഇന്നലെ യുഎഇയില് റിപ്പോര്ട്ട് ചെയ്തത്.കഴിഞ്ഞ 24 മണിക്കൂറിനിടെ യുഎഇ സര്ക്കാര് വിതരണം ചെയ്തത് 41,346 കോവിഡ് ഡോസുകള്.ആകെ 22,473,207 ഡോസുകളാണ് വിതരണം ചെയ്തതെന്ന് യുഎഇ ആരോഗ്യ പ്രതിരോധ മന്ത്രാലയം വ്യക്തമാക്കി.
7,49,530 പേര്ക്കാണ് യുഎഇയില് ഇതുവരെ കോവിഡ് സ്ഥിരീകരിച്ചത്. 7,40,707 പേര് രോഗമുക്തി നേടി. 2,156 പേര് കോവിഡിനെ തുടര്ന്ന് മരണമടഞ്ഞു. 6,667 പേര് ചികിത്സയില് കഴിയുന്നുണ്ടെന്നാണ് ആരോഗ്യ മന്ത്രാലയത്തിന്റെ കണക്കുകള് വ്യക്തമാക്കുന്നത്. ഇന്ന് 339,500 കോവിഡ് പരിശോധനകളാണ് യുഎഇയില് നടത്തിയതെന്നും ആരോഗ്യ മന്ത്രാലയത്തിന്റെ കണക്കുകള് വ്യക്തമാക്കുന്നു.
0.2 ശതമാനമാണ് യുഎഇയിലെ കോവിഡ് മരണ നിരക്ക്. ആഗോള ശരാശരിയേക്കാള് രണ്ട് ശതമാനം കുറവാണിത്. അതേസമയം രാജ്യത്തെ ജനസംഖ്യയുടെ 97 ശതമാനത്തിലധികം പേര്ക്കും കോവിഡ് പ്രതിരോധ വാക്സിന്റെ ഒരു ഡോസ് ലഭിച്ചിട്ടുണ്ടെന്നാണ് ആരോഗ്യ മന്ത്രാലയം വ്യക്തമാക്കുന്നത്.
