കർണാടകയിൽ ബൈക്ക്​ ​ഹാ​ന്‍ഡി​ല്‍ ലോറിയിൽ കു​ടു​ങ്ങി രണ്ട്​ വിദ്യാർഥികൾക്ക്​ ദാരുണാന്ത്യം

ബം​ഗ​ളൂ​രു: കർണാടകയിൽ ബൈ​ക്കിൻ്റെ ഹാ​ൻഡി​ൽ കു​ടു​ങ്ങിയത് അറിയാതെ ഡ്രൈവർ മിനിലോ​റി​ മുന്നോട്ടെടുത്തതിനെ തുടർന്ന് രണ്ട് വിദ്യാർഥികൾക്ക് ദാരുണാന്ത്യം. ബെ​ന്നാ​ർഘ​ട്ട​യി​ലെ എഎംസി കോ​ള​ജ് വി​ദ്യാ​ർഥി​ക​ളാ​യ കൗ​ശി​ക് (19), സു​ഷ​മ (19) എ​ന്നി​വ​രാ​ണ് മ​രി​ച്ച​ത്. പത്തുമീറ്ററോളം ബൈക്ക് വലിച്ചിഴച്ച ശേഷമാണ് ലോറി നിർത്തിയത്.  വ്യാ​ഴാ​ഴ്ച വൈ​കീ​ട്ടാ​ണ് അ​പ​ക​ട​മു​ണ്ടാ​യ​ത്.

ബെ​ന്നാ​ര്‍ഘ​ട്ട ബ​യ​ളോ​ജി​ക്ക​ല്‍ പാ​ര്‍ക്കി​ല്‍നി​ന്ന് മ​ട​ങ്ങു​ന്ന​തി​നി​ടെയായിരുന്നു ദാരുണസംഭവം. ഹാ​ന്‍ഡി​ല്‍ ലോറിയിൽ കു​ടു​ങ്ങി​യ​തോ​ടെ ബൈക്ക്​ റോ​ഡി​ലേ​ക്ക് മ​റി​യു​ക​യാ​യി​രു​ന്നു. ഇ​തോ​ടെ ഇ​രു​വ​രും ത​ല​യ​ടി​ച്ച് വീ​ണു. പ​ത്തു​മീ​റ്റ​റോ​ളം ബൈ​ക്കി​നെ വ​ലി​ച്ചി​ഴ​ച്ച് മു​ന്നോ​ട്ടു​പോ​യ​ശേ​ഷ​മാ​ണ് ലോ​റി നി​ര്‍ത്തി​യ​ത്. സം​ഭ​വ​ശേ​ഷം ഡ്രൈ​വ​ര്‍ ഓ​ടി​ര​ക്ഷ​പ്പെ​ട്ടു. ഇ​രു​വ​രെ​യും സ​മീ​പ​ത്തെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. സം​ഭ​വ​ത്തി​ൽ ബെ​ന്നാ​ർഘ​ട്ട പോ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി.