അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.വാഷിങ്ടൺ: വാക്സിൻ സ്വീകരിക്കാത്തതിന് 27 പേരെ പുറത്താക്കി യു.എസ് എയർഫോഴ്സ്. ഇതാദ്യമായാണ് യു.എസിൽ വാക്സിൻ സ്വീകരിക്കാത്തതിന്റെ പേരിൽ എയർഫോഴ്സ് ഉദ്യോഗസ്ഥരെ പുറത്താക്കുന്നത്. കോവിഡ് വാക്സിൻ സ്വീകരിക്കണമെന്ന ഉത്തരവിൽ ഉദ്യോഗസ്ഥർ വീഴ്ച വരുത്തിയെന്നും അതിനാലാണ് നടപടിയുണ്ടായതെന്നും വക്താവ് സ്റ്റീഫ്നാക്ക് പറഞ്ഞു.
നവംബർ രണ്ടിനകം മുഴുവൻ എയർഫോഴ്സ് ഉദ്യോഗസ്ഥരോടും വാക്സിൻ സ്വീകരിക്കാൻ യു.എസ് നിർദേശിച്ചിരുന്നു. എയർ ഫോഴ്സ്, എയർ നാഷണൽ ഗാർഡ് അംഗങ്ങളോട് ഡിസംബർ രണ്ടിനകം വാക്സിൻ സ്വീകരിക്കാനും ഉത്തരവിട്ടിരുന്നു. ഇതിൽ വീഴ്ച വരുത്തിയതോടെയാണ് നടപടിയുണ്ടായത്.
