അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബലരാംപുര്: സംയുക്ത സേനാ മേധാവി ജനറല് ബിപിന് റാവത്തിന്റെ മരണം ഓരോ രാജ്യസ്നേഹിക്കുമുണ്ടായ നഷ്ടമാണെന്ന് പ്രധാനമന്ത്രി നരേന്ദ്രമോദി.ധീരനും കഠിനാധ്വാനിയുമായ ബിപിന് റാവത്ത് രാജ്യത്തിന്റെ സായുധ സേനയെ സ്വയം പര്യാപ്തമാക്കാന് പ്രയത്നിച്ച ആളാണ്, രാജ്യം അതിന് സാക്ഷിയാണെന്നും പ്രധാനമന്ത്രി പറഞ്ഞു.
ബലരാംപൂരില് സരയു നുഹാര് ജലസേചന പദ്ധതിയുടെ ഉദ്ഘാടന ചടങ്ങില് സംസാരിക്കുകയായിരുന്നു പ്രധാനമന്ത്രി.ഒരു സൈനികന് അയാള് പട്ടാളത്തില് ജോലി ചെയ്യുന്ന കാലത്ത് മാത്രമല്ല സൈനികനായിരിക്കുന്നത്, ജീവിച്ചിരിക്കുന്നടുത്തോളം കാലം അയാള് യോദ്ധാവ് തന്നെയാണ്.
രാജ്യത്തിന്റെ അഭിമാനത്തിന് വേണ്ടി തന്റെ ഓരോ നിമിഷവും മാറ്റിവയ്ക്കുന്നവനാണ് സൈനികന്. ഹെലിപോക്റ്റര് അപകടത്തില് കൊല്ലപ്പെട്ട സൈനികര്ക്ക് ആദരാഞ്ജലികള് അര്പ്പിക്കുന്നു. മോദി പറഞ്ഞു.
