അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കാണ്‍പൂർ: ഉത്തർപ്രദേശിലെ കാണ്‍പൂരിൽ സിക്ക വൈറസ് കേസുകൾ വർധിക്കുന്നു. ഇതിനോടകം പത്ത് പേർക്കാണ് സിക്ക സ്ഥിരീകരിച്ചത്. ഞായറാഴ്ച ആറ് പേർക്കാണ് രോഗം റിപ്പോർട്ട് ചെയ്തതെന്ന് ചീഫ് മെഡിക്കൽ ഓഫീസർ ഡോ. നേപ്പാൾ സിംഗ് പറഞ്ഞു.ഒക്ടോബർ 25നാണ് കാണ്‍പൂരിൽ ആദ്യമായി സിക്ക സ്ഥിരീകരിച്ചത്. ഇതിനുപിന്നാലെ കേന്ദ്രസർക്കാർ ഒരു വിദഗ്ധ സംഘത്തെ കാണ്‍പൂരിലേക്ക് അയച്ചിരുന്നു.
പ്രധാനമായും ഈഡിസ് കൊതുകുകള്‍ പരത്തുന്ന വൈറസ് രോഗമാണിത്. പൊതുവിൽ അതിരാവിലെയും വൈകുന്നേരവും കടിക്കുന്ന കൊതുകുകളാണിവ.കൂടാതെ രോഗബാധിതരായ ഗർഭിണിയിൽ നിന്നും കുഞ്ഞിലേക്കും, ലൈംഗിക ബന്ധത്തിലൂടെയും രക്തദാനത്തിലൂടെയും അവയവ മാറ്റത്തിലൂടെയും ഈ അസുഖം പകരാവുന്നതാണ്. രോഗാണുക്കള്‍ ശരീരത്തിലെത്തിയാല്‍ മൂന്നാം ദിവസം ലക്ഷണങ്ങള്‍ പ്രത്യക്ഷപ്പെടാം, അത് ഒരാഴ്ചവരെയോ ഏറിയാല്‍ 12 ദിവസംവരെയോ നീണ്ടുനില്‍ക്കാം. എന്നാൽ പലരിലും ലക്ഷണങ്ങൾ പോലും കാണിക്കാതെയും ഈ അസുഖം വരാവുന്നതാണ്.
============================================================================
വാര്‍ത്തകള്‍ യഥാസമയം അറിയാന്‍…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9
Subscribe Anweshanam Youtube: https://youtube.com/c/Anweshanamlive
Follow Anweshanam Google News: https://rb.gy/0tbxgdagain/cid4795157.htm
Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
