അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഉത്തർപ്രദേശ്: ടി20 ലോകകപ്പിൽT20 World Cup) ഇന്ത്യയ്ക്കെതിരായ പാകിസ്താൻ്റെ ജയം ആഘോഷിച്ച വിദ്യാർത്ഥികളെ അറസ്റ്റ് ചെയ്തു. ഉത്തർപ്രദേശിലെ ആഗ്രയിലാണ് മൂന്ന് കശ്മീരി വിദ്യാർത്ഥികളെ പോലീസ് അറസ്റ്റ് ചെയ്തത്. ദേശവിരുദ്ധ പരാമർശങ്ങൾ നടത്തിയെന്നാരോപിച്ചാണ് ഇവരെ പോലീസ് അറസ്റ്റ് ചെയ്തത്. ഇവർക്കെതിരെ രാജ്യദ്രോഹക്കുറ്റം ചുമത്തുമെന്ന് മുഖ്യമന്ത്രി യോഗി ആദിത്യനാഥിൻ്റെ(Yogi Adityanath) ഓഫീസ് അറിയിച്ചു.
അർഷിദ് യൂസഫ്, ഇനായത്ത് അൽത്താഫ് ഷെയ്ഖ്, ഷൗക്കത്ത് അഹമ്മദ് ഗനായ് എന്നിവർക്കെതിരെയാണ് കേസ്. മൂവരും ആഗ്രയിലെ രാജാ ബൽവന്ത് സിംഗ് കോളജിലെ എഞ്ചിനീയറിംഗ് വിദ്യാർത്ഥികളാണ്. ഇന്ത്യ-പാക് മത്സര ശേഷം പാകിസ്താന് അനുകൂലമായി ഇവർ സ്റ്റാറ്റസ് ഇട്ടിരുന്നു. ഇതേ തുടർന്ന് വിദ്യാർത്ഥികളെ കോളജിൽ നിന്നും സസ്പെൻഡ് ചെയ്തു.
ഞങ്ങൾക്ക് ലഭിച്ച പരാതിയുടെ അടിസ്ഥാനത്തിലാണ് എഫ്ഐആർ രജിസ്റ്റർ ചെയ്തത്. സംഭവത്തിൽ വിശദമായ അന്വേഷണം നടത്തി. ഇവർ ദേശവിരുദ്ധ പരാമർശം നടത്തിയെന്ന് കണ്ടെത്തി. പിന്നീടാണ് അവരെ അറസ്റ്റ് ചെയ്തത് എന്ന് ആഗ്ര സിറ്റി പോലീസ് സൂപ്രണ്ട് വികാസ് കുമാർ അറിയിച്ചു.
============================================================================
വാര്ത്തകള് യഥാസമയം അറിയാന്…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
