ബോളിവുഡ്​ താരങ്ങളിൽനിന്ന്​ സമീർ വാങ്കഡെ പണം തട്ടിയെന്ന് ​ആരോപണം ; കത്തിന്റെ വിശദാംശങ്ങൾ പുറത്ത്

ന്യൂഡൽഹി: മഹാരാഷ്​ട്ര മന്ത്രിയും എൻ.സി.പി നേതാവുമായ നവാബ്​ മാലിക്ക്​ പുറത്തുവിട്ട നാർക്കോട്ടിക്​ കൺട്രോൾ ബ്യൂറോ ഉദ്യോഗസ്​ഥൻറെ കത്തിൻറെ കൂടുതൽ വിശദാംശങ്ങൾ പുറത്ത്​. നടൻ സുശാന്ത്​ സിങ്​ രജ്​പുത്തിൻറെ മരണത്തിന്​ പിന്നാലെ ബോളിവുഡിൽ അരങ്ങേറിയ ലഹരിവേട്ട കേസുമായി ബന്ധ​െപ്പട്ടാണ്​ പരാമർശം.

പേര്​ വെളിപ്പെടുത്താത്ത എൻ.സി.ബി ഉദ്യോഗസ്​ഥൻ അയച്ച കത്താണെന്ന്​ വ്യക്തമാക്കിയാണ്​ മാലിക്ക്​ വിവരങ്ങൾ പുറത്തുവിട്ടത്​. നാലുപേജാണ്​ കത്ത്​. ബോളിവുഡ്​ താരങ്ങളിൽനിന്ന്​ എൻ.സി.ബി മുംബൈ സോണൺ ഓഫിസർ സമീർ വാങ്കഡെ പണം തട്ടിയെന്നാണ്​ കത്തിലെ ആരോപണം.

സുശാന്തിൻറെ മരണവുമായി ബന്ധപ്പെട്ട ലഹരി കേസിൻറെ അന്വേഷണം എൻ.സി.ബി ഡയറക്​ടർ ജനറൽ ആയിരുന്ന രാകേഷ്​ അസ്​താന എസ്​.ഐ.ടി ചുമതലയുള്ള കമൽപ്രീത്​ സിങ് മൽഹോത്രക്ക്​ കൈമാറി. എൻ.സി.ബി ഡയറക്​ടറേറ്റ്​ ഓഫ്​ റവന്യൂ ഇൻറലിജൻസിൽനിന്ന്​ വാങ്കഡെയെ സോണൽ ഡയറക്​ടറായി നിയമിക്കുകയും ചെയ്​തു. കേന്ദ്ര ആഭ്യന്തര മന്ത്രി അമിത്​ ഷായുടെ നിർദേശ പ്രകാരമാണ്​ വാങ്കഡെക്ക്​ എൻ.സി.ബിയിൽ സോണൽ ഡയറക്​ടർ നിയമനം ലഭിച്ചതെന്നും കത്തിൽ പറയുന്നു.

ഇതിനുപിന്നാലെയാണ്​ ബോളിവുഡ്​ താരങ്ങളുമായി ബന്ധ​െപ്പട്ട മയക്കുമരുന്ന്​ കേസിൽ അന്വേഷണം തുടങ്ങുന്നതും പണം തട്ടുന്നതും. ബോളിവുഡ്​ താരങ്ങളായ ദീപിക പദുക്കോൺ, കരീഷ്​മ പ്രകാശ്​, ശ്രദ്ധ കപൂർ, സാറാ അലി ഖാൻ, രാകുൽ പ്രീത്​ സിങ്​, ഭാരതി സിങ്​, ഹർഷ്​ ലിംബാച്ചിയ, റിയ ച​ക്രവർത്തി, സൗവിക്​ ചക്രവർത്തി, അർജുൻ രാംപാൽ എന്നിവരിൽനിന്ന്​ പണം തട്ടി. ആയാസ്​ ഖാൻ എന്ന അഭിഭാഷകൻ മുഖേനയാണ്​ പണം തട്ടിയത്​. ആയാസ്​ സമീർ വാങ്കഡെയുടെ സുഹൃത്താണെന്നും ഇയാൾ യാതൊരു മുന്നറിയിപ്പോ തടസങ്ങളോ ഇല്ലാതെ എൻ.സി.ബി ഓഫിസ്​ സന്ദർശിക്കാറു​ണ്ടെന്നും കത്തിൽ പറയുന്നു.

============================================================================

വാര്‍ത്തകള്‍ യഥാസമയം അറിയാന്‍…

Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 

Subscribe Anweshanam Youtube: https://youtube.com/c/Anweshanamlive 

Follow Anweshanam Google News: https://rb.gy/0tbxgdagain/cid4795157.htm 

Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe