കാ​ഷ്മീ​രി​ലെ പ്ര​സം​ഗ​വേ​ദി​യി​ൽ ബുള്ളറ്റ് പ്രൂഫ് കവചം എടുത്തുമാറ്റി അമിത് ഷാ

ശ്രീ​ന​ഗ​ർ: ജ​മ്മു​കാ​ഷ്മീ​ര്‍ സ​ന്ദ​ര്‍​ശ​ന​ത്തി​നി​ടെ വേ​ദി​യി​ല്‍ സു​ര​ക്ഷ​യ്ക്കാ​യി സ്ഥാ​പി​ച്ച ബു​ള്ള​റ്റ് പ്രൂ​ഫ് ഗ്ലാ​സ് ക​വ​ചം (bullet proof shield) നീ​ക്കം ചെ​യ്ത് കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത്ഷാ(Amit Shah). ശ്രീ​ന​ഗ​റി​ലെ ഷേ​ര്‍ ഐ ​കാ​ഷ്മീ​ര്‍ ഇ​ന്‍റ​ർ​ന​ഷ​ണ​ൽ ക​ണ്‍​വെ​ന്‍​ഷ​ന്‍ സെ​ന്‍റ​റി​ലെ​ത്തി​യ​പ്പോ​ഴാ​ണ് അ​മി​ത് ഷാ ​ജ​ന​ങ്ങ​ളെ അ​ഭി​സം​ബോ​ധ​ന ചെ​യ്യാ​ന്‍ ബു​ള്ള​റ്റ് പ്രൂ​ഫ് സു​ര​ക്ഷാ ക​വ​ചം എ​ടു​ത്തു​മാ​റ്റി​യ​ത്.

ജ​മ്മു​കാ​ഷ്മീ​രി​ലെ ജ​ന​ങ്ങ​ളോ​ട് നേ​രി​ട്ട് സം​സാ​രി​ക്കാ​ന്‍ ആ​ഗ്ര​ഹി​ക്കു​ന്നു​വെ​ന്ന് സു​ര​ക്ഷാ​ക​വ​ചം എ​ടു​ത്ത് മാ​റ്റി​യ​തി​നു പി​ന്നാ​ലെ അ​മി​ത് ഷാ ​പ​റ​ഞ്ഞു.

“ഞാ​ൻ പ​രി​ഹ​സി​ക്ക​പ്പെ​ട്ടു, അ​പ​ല​പി​ക്ക​പ്പെ​ട്ടു. ഇ​ന്ന് ഞാ​ൻ നി​ങ്ങ​ളോ​ട് തു​റ​ന്നു സം​സാ​രി​ക്കാ​ൻ ആ​ഗ്ര​ഹി​ക്കു​ന്നു, അ​തി​നാ​ലാ​ണ് ഇ​വി​ടെ ബു​ള്ള​റ്റ് പ്രൂ​ഫ് ക​വ​ച​മോ സു​ര​ക്ഷ​യോ ഇ​ല്ലാ​ത്ത​ത്. ഫാ​റൂ​ഖ് സാ​ഹേ​ബ് പാ​കി​സ്താ​നോ​ട് സം​സാ​രി​ക്ക​ണ​മെ​ന്ന് എ​ന്നോ‌​ടു നി​ർ​ദ്ദേ​ശി​ച്ചു. എ​ന്നാ​ൽ യു​വാ​ക്ക​ളോ​ടും താ​ഴ്വ​ര​യി​ലെ ആ​ളു​ക​ളോ​ടും സം​സാ​രി​ക്കാ​നാ​ണ് ഞാ​ൻ ആ​ഗ്ര​ഹി​ക്കു​ന്ന​ത്.”- അ​മി​ത് ഷാ ​പ​റ​ഞ്ഞു.

മൂന്ന് ദിവസത്തെ കശ്മീര്‍ സന്ദര്‍ശനം പൂര്‍ത്തിയാകുന്ന തിങ്കളാഴ്ച രാവിലെ ഗന്ദര്‍ബാലിലെ ഖീര്‍ ഭവാനി ക്ഷേത്രവും അമിത് ഷാ സന്ദര്‍ശിച്ചിരുന്നു. ക്ഷേത്ര ദര്‍ശനത്തിനായി ജമ്മു കശ്മീര്‍ ലെഫ്റ്റനന്റ് ഗവര്‍ണര്‍ മനോജ് സിന്‍ഹയും കേന്ദ്രമന്ത്രിക്കൊപ്പമുണ്ടായിരുന്നു.

2019 ഓ​ഗ​സ്റ്റി​ല്‍ 370-ാം വ​കു​പ്പ് റ​ദ്ദാ​ക്കി​യ​തി​ന് ശേ​ഷ​മു​ള്ള അ​മി​ത് ഷാ​യു​ടെ ആ​ദ്യ ക​ഷ്മീ​ര്‍ സ​ന്ദ​ര്‍​ശ​ന​മാ​യി​രു​ന്നു ഇ​ത്. തി​ങ്ക​ളാ​ഴ്ച രാ​വി​ലെ​യാ​ണ് മൂ​ന്ന് ദി​വ​സ​ത്തെ സ​ന്ദ​ർ​ശ​നം പൂ​ർ​ത്തി​യാ​യ​ത്. ശ​നി​യാ​ഴ്ച​യാ​ണ് അ​മി​ത് ഷാ ​ശ്രീ​ന​ഗ​റി​ലെ​ത്തി​യ​ത്.
 
പ്രധാനമന്ത്രി മോദിയുടെ ഹൃദയത്തിലാണ് ജമ്മു കശ്മീരിന്റെ സ്ഥാനമെന്നും ജമ്മുവിന് ഇനി വിവേചനം അനുഭവിക്കേണ്ടി വരില്ലെന്നും കഴിഞ്ഞ ദിവസം അമിത് ഷാ വ്യക്തമാക്കിയിരുന്നു. വികസനത്തെ തടഞ്ഞുനിര്‍ത്താന്‍ ആര്‍ക്കും സാധിക്കില്ല. ജമ്മു കശ്മീരില്‍ അത് തുടങ്ങിക്കഴിഞ്ഞു. അടുത്ത രണ്ട് വര്‍ഷത്തിനുള്ളില്‍ ജമ്മു നഗരത്തിലും ശ്രീനഗറിലും മെട്രോ സര്‍വീസ് ആരംഭിക്കുമെന്നും ജമ്മു കശ്മീരിലെ ഓരോ ജില്ലകളിലേക്കും ഹെലികോപ്റ്റര്‍ സേവനങ്ങള്‍ ഉറപ്പാക്കുമെന്നും അമിത് ഷാ പറഞ്ഞിരുന്നു.

============================================================================

വാര്‍ത്തകള്‍ യഥാസമയം അറിയാന്‍…

Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9

Subscribe Anweshanam Youtube: https://youtube.com/c/Anweshanamlive

Follow Anweshanam Google News: https://rb.gy/0tbxgdagain/cid4795157.htm

Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe