അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ലഖിംപുര്: ഉത്തര്പ്രദേശിലെ ലഖിംപുര് ഖേരിയില് (Lakhimpur Kheri) പ്രതിഷേധിച്ച കര്ഷകര്ക്കിടയിലേക്ക് വാഹനം ഓടിച്ചുകയറ്റിയ സംഭവത്തില് കേന്ദ്ര ആഭ്യന്തര സഹമന്ത്രി അജയ് മിശ്രയുടെ മകനും കേസിലെ പ്രതിയുമായ അജയ് മിശ്രയുടെ പോലീസ് കസ്റ്റഡി രണ്ട് ദിവസത്തേക്കുകൂടി നീട്ടി. ഇത് രണ്ടാം തവണയാണ് ചീഫ് ജുഡീഷ്യല് മജിസ്ട്രേറ്റ് കോടതി ആശിഷ് മിശ്രയുടെ പോലീസ് കസ്റ്റഡി നീട്ടുന്നത്.
ആശിഷ് മിശ്രക്ക് പുറമേ കേസില് അറസ്റ്റിലായ അങ്കിത് ദാസ്, ശേഖര് ബദ്രി, ലതിഫ് എന്നിവരേയും കോടതി പോലീസ് കസ്റ്റഡിയില് വിട്ടു.
അതേസമയം, കേസ് അന്വേഷിക്കുന്ന പ്രത്യേക അന്വേഷണ സംഘ തലവന് ഡിഐജി ഉപേന്ദ്ര കുമാര് അഗര്വാളിനെ സ്ഥലംമാറ്റി. എന്നാല് കേസ് അന്വേഷണത്തിന്റെ മേല്നോട്ട ചുമതല ഉപേന്ദ്ര കുമാര് അഗര്വാളിന് തന്നെയാണ്. പതിവ് നടപടിക്രമങ്ങളുടെ ഭാഗമാണ് ഉപേന്ദ്ര കുമാര് അഗര്വാളിന്റെ സ്ഥലംമാറ്റമെന്ന് യുപി പോലീസ് പ്രതികരിച്ചു.
