അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഭാവന നായികയായെത്തുന്ന കന്നഡ ചിത്രം ‘ഭജറംഗി 2’ന്‍റെ തിയറ്റര്‍ റിലീസ് പ്രഖ്യാപിച്ചു. ശിവരാജ് കുമാര്‍ നായകനാവുന്ന ചിത്രം ഒക്ടോബര്‍ 29ന് ഇന്ത്യയിലും വിദേശത്തുമുള്ള തിയറ്ററുകളിലെത്തും. 2013ല്‍ പ്രദര്‍ശനത്തിനെത്തിയ ഫാന്‍റസി ആക്ഷന്‍ ചിത്രത്തിന്‍റെ രണ്ടാംഭാഗമാണ് ഇത്. നേരത്തെ പുറത്തെത്തിയ ചിത്രത്തിന്‍റെ ടീസര്‍ ഏറെ പ്രേക്ഷകശ്രദ്ധ നേടിയിരുന്നു.
എ ഹര്‍ഷയാണ് ചിത്രത്തിന്‍റെ രചനയും സംവിധാനവും. ‘ഭജറംഗി’ കൂടാതെ ചേതന്‍ നായകനായ ബിരുഗാലി, ‘ടേക്കണി’ല്‍ നിന്നും പ്രചോദനം ഉള്‍ക്കൊണ്ട ‘ചിങ്കാരി’, ശിവരാജ് കുമാര്‍ കുമാര്‍ തന്നെ നായകനായ വജ്രകായ തുടങ്ങിയ ചിത്രങ്ങള്‍ ഹര്‍ഷ സംവിധാനം ചെയ്‍തിട്ടുണ്ട്. ജയണ്ണ ഫിലിംസിന്‍റെ ബാനറില്‍ ജയണ്ണ, ഭോഗേന്ദ്ര എന്നിവര്‍ ചേര്‍ന്നാണ് ചിത്രത്തിന്‍റെ നിര്‍മ്മാണം.
