കോടിയേരിയുടെ മകനായതിനാൽ വേ​ട്ട​യാ​ടു​ന്നു; ഇഡി അന്വേഷണം രാഷ്ട്രീയ പ്രേരിതമെന്ന് ബി​നീ​ഷ്

ബം​ഗ​ളൂ​രു: കോ​ടി​യേ​രി ബാ​ല​കൃ​ഷ്ണ​ന്‍റെ മ​ക​നാ​യ​ത് കൊ​ണ്ട് ത​ന്നെ വേ​ട്ട​യാ​ടു​ക​യാ​ണെ​ന്ന് ബി​നീ​ഷ് കോ​ടി​യേ​രി ക​ര്‍​ണാ​ട​ക ഹൈ​ക്കോ‌​ട​തി​യി​ല്‍. ഇ​ഡി അ​ന്വേ​ഷ​ണം രാ​ഷ്ട്രീ​യ​പ്രേ​രി​ത​മാ​ണെ​ന്നും ത​നി​ക്കെ​തി​രേ ഇ​ല്ലാ​ക്ക​ഥ​ക​ള്‍ പ്ര​ച​രി​പ്പി​ക്കു​ന്നു​വെ​ന്നും ബി​നീ​ഷ് കോ​ട​തി​യി​ല്‍ പ​റ​ഞ്ഞു. കള്ളപ്പണം വെളുപ്പിക്കല്‍ കേസില്‍ ജാമ്യാപേക്ഷ പരിഗണിക്കുന്നതിനിടെയായിരുന്നു ബീനീഷിന്റെ പരാമര്‍ശം.

തന്റെ അക്കൗണ്ടിലെത്തിയത് ശരിയായ രീതികളിലൂടെയുള്ള കച്ചവടത്തിലെ ലാഭം മാത്രമാണ്. ഈ ഇടപാടുകളില്‍ ആദായ നികുതി കൃത്യമായി അടച്ചതാണ്. എന്നാല്‍ രാഷ്ട്രീയസമ്മര്‍ദ്ദം മൂലമാണ് അന്വേഷണ ഏജന്‍സിക്ക് അത് ബോധ്യം വരാത്തതെന്നും ബിനീഷ് പറഞ്ഞു.

ലഹരി കടത്ത് കെട്ടിച്ചമച്ച ആരോപണം മാത്രമാണെന്നും, കെട്ടിച്ചമച്ച കഥകളാണ് അന്വേഷണ ഏജന്‍സികള്‍ പ്രചരിപ്പിക്കുന്നതെന്നുമാണ് ബിനീഷിന്റെ ആരോപണം. ഡ്രൈവറായ അനിക്കുട്ടനും സുഹൃത്തായ അരുണും തമ്മില്‍ വ്യാപാര ഇടപാട് നടത്തിയിട്ടില്ല. അനികുട്ടന്‍ തനിക്കുവേണ്ടി നിക്ഷേപിച്ചത് ഏഴുലക്ഷം മാത്രമാണ്. അതല്ലാതെ അനികുട്ടന്‍ നടത്തിയ മറ്റ് ഇടപാടുകളൊന്നും തന്റെ അറിവോടെ അല്ലായിരുന്നു എന്നും ബീനീഷ് പറഞ്ഞു. 

കേ​സ് ഒ​ക്ടോ​ബ​ര്‍ ഒ​ന്നി​ന് വീ​ണ്ടും പ​രി​ഗ​ണി​ക്കും. ബി​സി​ന​സി​ന്‍റെ മ​റ​വി​ല്‍ ബി​നീ​ഷ് കോ​ടി​യേ​രി ല​ഹ​രി ക​ട​ത്തി​നാ​യി സാ​മ്ബ​ത്തി​ക ഇ​ട​പാ​ടു​ക​ള്‍ ന​ട​ത്തി​യെ​ന്നും ല​ഹ​രി​യി​ട​പാ​ടി​ലെ ലാ​ഭ​ത്തു​ക​യാ​ണ് ബി​നീ​ഷി​ന്‍റെ അ​ക്കൌ​ണ്ടി​ലു​ണ്ടാ​യി​രു​ന്ന അ​ന​ധി​കൃ​ത പ​ണ​മെ​ന്നു​മാ​ണ് ഇ​ഡി ക​ഴി​ഞ്ഞ ദി​വ​സം കോ​ട​തി​യി​ല്‍ വാ​ദി​ച്ചി​രു​ന്നു.