അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ഇന്ഡോര്: ബിജെപിയുടെ ജന് ആശീര്വാദ യാത്രയ്ക്കായി ബിജെപി പതാകയുടെ പെയിന്്റടിപ്പിച്ച് കുതിരയെ നടത്തിയ സംഭവത്തില് പരാതി. മനേക ഗാന്ധിയുടെ സന്നദ്ധ സംഘടനയാണ് ഇന്ഡോര് പോലീസിന് പരാതി നല്കിയത്.
വ്യാഴാഴ്ച ബി.ജെ.പി നടത്തിയ ജന് ആശിര്വാദ് യാത്രയിലാണ് സംഭവം. ഓറഞ്ച്, പച്ച നിറങ്ങള് പൂശിയതിന് പുറമെ പാര്ട്ടി ചിഹ്നമായ താമരയും കുതിരയുടെ മേല് പതിച്ചു. ശരീരത്തില് ലംബമായി പാര്ട്ടിയുടെ പേരും എഴുതിയിരുന്നു. ബി.ജെ.പി സ്കാര്ഫും കഴുത്തില് കെട്ടി.
പുതിയ കേന്ദ്രമന്ത്രിമാരെ ജനങ്ങള്ക്ക് പരിചയപ്പെടുത്താനെന്ന പേരില് 22 സംസ്ഥാനങ്ങളിലൂടെയാണ് ജന് ആശീര്വാദ യാത്ര കടന്നുപോകുന്നത്. വിവിധ സംസ്ഥാനങ്ങളില് ആസന്നമായ തിരഞ്ഞെടുപ്പ് ലക്ഷ്യമിട്ടാണ് യാത്ര. വ്യോമയാന മന്ത്രി ജ്യോതിരാദിത്യ സിന്ധ്യയുടെ നേതൃത്വത്തിലാണ് ഇന്ഡോറിന്റെ വിവിധ ഭാഗങ്ങളില് യാത്ര നടത്തിയത്.
മുന് മുനിസിപ്പല് കോര്പ്പറേറ്റര് രാംദാസ് ഗാര്ഗാണ് യാത്രയ്ക്ക് മുന്നോടിയായി കുതിരയെ വാടകയ്ക്കെടുത്ത് ബി.ജെ.പി. പതാകയുടെ പെയിന്റടിച്ചത്. മൃഗങ്ങളോടുള്ള ക്രൂരത തടയുന്ന 1960-നിയമപ്രകാരമാണ് എഫ്.ഐ.ആര്. രജിസ്റ്റര് ചെയ്തിട്ടുള്ളത്. ബി.ജെ.പി. എം.പി. മനേക ഗാന്ധിയുടെ എന്.ജി.ഒ. ആയ പി.എഫ്.എ. ആണ് പരാതി നല്കിയത്.
