അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കണ്ണൂര്: ഇ ബുള് ജെറ്റ് സഹോദരങ്ങള്ക്ക് എതിരേ വീണ്ടും കേസെടുത്ത് പോലീസ്. ഇരിട്ടി സ്വദേശികളായ എബിന്, ലിബിന് എന്നിവര്ക്കെതിരേയാണ് കലാപത്തിന് ആഹ്വാനം ചെയ്യല്, പ്രകോപനം സൃഷ്ടിക്കല് എന്നീ കുറ്റങ്ങള് ചുമത്തി കേസെടുത്തിരിക്കുന്നത്. സൈബര് സെല് ഓഫീസിലെ സ്റ്റേഷന് ഹൗസ് ഓഫീസറുടെ പരാതിയിലാണ് ഇവര്ക്കെതിരേ പോലീസ് കേസെടുത്തിരിക്കുന്നത്.
അതേസമയം നേരത്തെ കലാപത്തിന് ആഹ്വാനം ചെയ്തതിന് കൊല്ലത്തും ആലപ്പുഴയിലും ഇ ബുൾ ജെറ്റ് വ്ലോഗേഴ്സിന്റെ രണ്ട് കൂട്ടാളികൾക്കെതിരെ കേസെടുത്തിരുന്നു. കണ്ണൂർ മോട്ടോർ വാഹന വകുപ്പ് ഓഫീസിന് മുന്നിൽ കൊവിഡ് മാനദണ്ഡം ലംഘിച്ച് തടിച്ചുകൂടിയതിന് ഇവരുടെ 17 കൂട്ടാളികൾക്കെതിരെയും കേസെടുത്തിരുന്നതാണ്.
