അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സംസ്ഥാനത്ത് കോവിഡ് നിയന്ത്രണങ്ങളില് ഇന്നുമുതല് മാറ്റം.ഐ.പി.ആര് എട്ടിന് മുകളിലുള്ള പ്രദേശങ്ങളില് കര്ശന ലോക്ക്ഡൗണ് നിലവില് വന്നു. സമ്പൂര്ണ ലോക്ഡൗണ് ഉള്ള പ്രദേശങ്ങളില് അവശ്യ സര്വീസുകള്ക്ക് മാത്രമാണ് പ്രവര്ത്തനാനുമതി. രാവിലെ ഏഴു മുതല് വൈകിട്ട് ഏഴു വരെ അവശ്യ സര്വീസുകള്ക്ക് പ്രവര്ത്തിക്കാമെന്നാണ് നിര്ദേശം.ജനസംഖ്യാനുപാതിക കൊവിഡ് ബാധ പത്ത് ശതമാനത്തിന് മുകളിലുള്ള പ്രദേശങ്ങളിലായിരുന്നു നേരത്തെ കര്ശന നിയന്ത്രണം ഏര്പ്പെടുത്തിയിരുന്നത്. ഇതനുസരിച്ച് തിരുവനന്തപുരം ജില്ലയില് അഞ്ച് വാര്ഡുകളില് സമ്പൂര്ണ ലോക്ഡൗണ് പ്രഖ്യാപിച്ചിട്ടുണ്ട്.
അതേസമയം സംസ്ഥാനത്തെ കോവിഡ് വ്യാപനം രൂക്ഷമായി തുടരുകയാണ്. ഇന്നലെ തൃശൂരിലും മലപ്പുറത്തും മൂവായിരത്തിന് മുകളിലായിരുന്നു രോഗികള്. മൂന്ന് ജില്ലകളില് രണ്ടായിരത്തിന് മുകളിലും അഞ്ച് ജില്ലകളില് ആയിരത്തിന് മുകളിലുമാണ് രോഗബാധിതര്. രോഗവ്യാപനം കുറയാത്ത സാഹചര്യത്തില് വാക്സിനേഷന് ഊര്ജിതമാക്കാനാണ് ആരോഗ്യ വകുപ്പിന്റ തീരുമാനം. ഇന്നലെ 8,86,960 ഡോസ് വാക്സിന് കൂടി സംസ്ഥാനത്ത്എത്തിയിട്ടുണ്ട്. 2,37,528 പേര്ക്കാണ് ഇന്നലെ വാക്സിന് നല്കിയത്. ഇതുവരെ 45.5 ശതമാനം പേര്ക്ക് ആദ്യ ഡോസ് വാക്സിന് നല്കിയിട്ടുണ്ട്.
