അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കണ്ണൂര്: വ്ലോഗര് സഹോദരങ്ങളുടെ ട്രാവലറിന്റെ രജിസ്ട്രേഷന് റദ്ദാക്കല് നടപടി ആരംഭിച്ചു. ഇതേ തുടര്ന്ന് ഇരിട്ടി ആര്ടിഒ അങ്ങാടിക്കടവിലുള്ള ഇ ബുള് ജെറ്റ് സഹോദരങ്ങളുടെ വീട്ടിലെത്തി നോട്ടീസ് നല്കി. അപകടരമായ രീതിയില് വാഹനം ഓടിച്ചതിനും റോഡ് നിയമങ്ങള് പാലിക്കാത്തതിനും ഇന്നലെ ട്രാവലറിന്റെ രജിസ്ട്രേഷന് മോട്ടോര് വാഹന വകുപ്പ് റദ്ദാക്കിയിരുന്നു. വ്ലോഗേഴ്സിന്റെ ലൈസന്സ് റദ്ദാക്കാനും ഗതാഗത കമ്മീഷണര് ശുപാര്ശ ചെയ്തിട്ടുണ്ട്.
അതേസമയം, കണ്ണൂര് ആര്ടിഒ ഓഫീസിലെത്തി പൊതുമുതല് നശിപ്പിച്ചെന്നും ഉദ്യോഗസ്ഥരുടെ ജോലി തടസ്സപ്പെടുത്തിയെന്നും കാട്ടി പൊലീസ് ഇവരെ അറസ്റ്റ് ചെയ്തിരുന്നു. ഇന്നലെയാണ് ലിബിനും എബിനും ജാമ്യം ലഭിച്ചത്.
