അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കണ്ണൂര്: ഇ ബുള് ജെറ്റ് യൂട്യൂബര്മാരായ എബിന്, ലിബിന് എന്നിവര്ക്ക് ജാമ്യം അനുവദിച്ചു. പൊതുമുതല് നശിപ്പിച്ചതിന് ഒരാള്് 3500 രൂപ കെട്ടി വയ്ക്കണമെന്ന ഉപാധിയോടെയാണ് കോടതി ജാമ്യം അനുവദിച്ചിരിക്കുന്നത്. ആര്ടിഒ ഓഫീസിലുണ്ടായ നാശ നഷ്ടങ്ങളുടെ തുക കെട്ടിവയ്ക്കാന് തയ്യാറാണെന്ന് ജാമ്യ ഹര്ജിയില് ഇരുവരും വ്യക്തമാക്കിയിരുന്നു.
എന്നാല് പൊതുമുതല് നശിപ്പിക്കുകയും സര്ക്കാര് ഉദ്യോഗസ്ഥരുടെ ജോലി തടസ്സപ്പെടുത്തുകയും ചെയ്തവര്ക്ക് ജാമ്യം നല്കിയാല് അത് നല്ല സന്ദേശമാകില്ലെന്ന് പ്രോസിക്യൂഷന് കോടതിയെ അറിയിച്ചു. അതേസമയം, പൊതുമുതല് നശിപ്പിച്ചു, ഉദ്യോഗസ്ഥരുടെ ജോലി തടസ്സപ്പെടുത്തി, വധഭീഷണി മുഴക്കി തുടങ്ങിയ ഗുരുതര കുറ്റങ്ങങ്ങളാണ് യൂട്യൂബര്മാര്ക്ക് എതിരെ ചുമത്തിയിരിക്കുന്നത്.
