അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.തിരുവനന്തപുരം: മരംമുറി വിവാദവും സെക്രട്ടറിയേറ്റിലെ ഉദ്യോഗസ്ഥരുടെ സ്ഥലം മാറ്റവും തമ്മില്‍ ബന്ധമില്ലെന്ന് വ്യക്തമാക്കി മന്ത്രി എ കെ ശശീന്ദ്രന്‍. ഉദ്യാഗസ്ഥര്‍ക്കെതിരെ പ്രതികാര നടപടിയെന്ന വാര്‍ത്ത ശരിയല്ലെന്നും അദ്ദേഹം കൂട്ടിച്ചേര്‍ത്തു. അതേസമയം, മുട്ടില്‍ മരം മുറി സംഭവത്തില്‍, വീഴ്ച വരുത്തിയ മുതിര്‍ന്ന വനം ഉദ്യേഗസ്ഥര്‍ക്കെതിരെ നടപടിയുണ്ടാകുമെന്നും എകെ ശശീന്ദ്രന്‍ വ്യക്തമാക്കി.
ഐഎഫ്എസ് ഉദ്യോഗസ്ഥര്‍ക്കെതിരെ നടപടിയെടുക്കാന്‍ വനം വകുപ്പിന് നേരിട്ട് സാധിക്കില്ല. എന്നാല്‍ തെറ്റ് ചെയ്തവര്‍ക്ക് ശിക്ഷ ഉറപ്പാക്കുമെന്നും കുറ്റം ചെയ്യാത്തവര്‍ ക്രൂശിക്കപ്പെടില്ലെന്നും വനംമന്ത്രി പറഞ്ഞു. അന്വേഷണത്തിനാവശ്യമായ ഫയലുകളും ട്രീ രജിസ്റ്ററും കിട്ടിയിട്ടില്ലെന്ന് പരാതിയില്ല. അങ്ങനെ ആക്ഷേപമുണ്ടെങ്കില്‍ അത് പരിഹരിക്കും. കര്‍ഷകര്‍ക്ക് മരം മുറി സംബന്ധിച്ചുള്ള അവ്യക്തത നീക്കും. അതിന് പുതിയ ഉത്തരവോ നിയമ നിര്‍മ്മാണമോ വേണ്ടി വരുമെന്നും അദ്ദേഹം കൂട്ടിച്ചേര്‍ത്തു.
