അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂഡല്‍ഹി: രണ്ടാം മോദി മന്ത്രിസഭാ പുനഃസംഘടനയില്‍ സത്യപ്രതിജ്ഞാ ചടങ്ങുകള്‍ പൂര്‍ത്തിയായി. 43 മന്ത്രിമാരാണ് ഇന്ന് സത്യപ്രതിജ്ഞ ചെയ്യുന്നത്. വനിതകള്‍, പ്രൊഫഷണലുകള്‍, ടെക്‌നോക്രാറ്റുകള്‍ അടക്കം വിവിധ മേഖലകളുടെ പങ്കാളിത്തം ഉള്‍ക്കൊള്ളിച്ചുകൊണ്ടാണ് മന്ത്രിസഭാ പുനഃസംഘടന. 43 പേരില്‍ ഏഴുപേര്‍ ഉത്തര്‍പ്രദേശില്‍ നിന്നുള്ളവരാണ്.
വനിതകള്‍ക്കും യുവാക്കള്‍ക്കും പുതുമുഖങ്ങള്‍ക്കും പ്രാധാന്യം നല്‍കിക്കൊണ്ടുള്ളതാണ് ആദ്യ പുനഃസംഘടന. 11 വനിതകളെ പുതിയ മന്ത്രിസഭയില്‍ ഉള്‍പ്പെടുത്തിയിട്ടുണ്ട്. 11 പേര്‍ക്ക് കാബിനറ്റ് പദവി ലഭിക്കും. 2022ല്‍ നിയമസഭാ തെരഞ്ഞെടുപ്പ് നടക്കാനിരിക്കുന്ന യുപി അടക്കം അഞ്ച് സംസ്ഥാനങ്ങള്‍ക്കും പട്ടികയില്‍ വലിയ പ്രാധാന്യമുണ്ട്. രാജ്യസഭാംഗവും മഹാരാഷ്ട്ര മുന്‍ മുഖ്യമന്ത്രിയുമായ നാരായണ്‍ റാണെയാണ് ആദ്യം സത്യപ്രതിജ്ഞ ചെയ്തത്.
അതേസമയം ചില അപ്രതീക്ഷിതരാജികളും ഇന്നുണ്ടായി. ആരോഗ്യമന്ത്രി ഹര്‍ഷവര്‍ധന്‍ പ്രകാശ് ജാവദേക്കര്‍ രവിശങ്കര്‍ പ്രസാദ് തുടങ്ങിയവരാണ് രാജിസമര്‍പ്പിച്ച പ്രമുഖര്‍. നിലവിലുള്ള മന്ത്രിസഭയില്‍നിന്ന് 12 പേരെ ഒഴിവാക്കിയിട്ടുണ്ട്. പുതിയ മന്ത്രിമാര്‍ അടക്കം ആകെ 77 മന്ത്രിമാരാണ് മോദി മന്ത്രിസഭയില്‍ ഇപ്പോഴുള്ളത്.
പുതിയ മന്ത്രിമാരില്‍ 15 പേര്‍ക്ക് കാബിനറ്റ് പദവിയുണ്ട്. 36 പേര്‍ പുതുമുഖങ്ങളാണ്. പുതിയതായി സ്ഥാനമേറ്റ മന്ത്രിമാരില്‍ 11 വനിതകളുമുണ്ട്. ഒബിസി വിഭാഗത്തില്‍നിന്ന് 27 പേരും എസ്.ടി. വിഭാഗത്തില്‍നിന്ന് എട്ടുപേരും എസ്.സി. വിഭാഗത്തില്‍നിന്ന് 12 പേരും മന്ത്രിമാരായി. 13 അഭിഭാഷകര്‍, ആറ് ഡോക്ടര്‍മാര്‍, അഞ്ച് എന്‍ജിനീയര്‍മാര്‍, ഏഴ് സിവില്‍ സര്‍വീസ് ഉദ്യോഗസ്ഥര്‍, നാല് മുന്‍മുഖ്യമന്ത്രിമാര്‍ എന്നിവരും പുതിയ മന്ത്രിമാരില്‍ ഉള്‍പ്പെടുന്നു.
മന്ത്രിസഭയിലെത്തുന്ന പുതിയ അംഗങ്ങള്‍
1- നാരായണ്‍ റാണെ
2- സര്‍ബാനന്ദ സോനോവാള്‍
3- ഡോ. വീരേന്ദ്ര കുമാര്‍
4-ജ്യോതിരാദിത്യ സിന്ധ്യ
5- രാമചന്ദ്ര പ്രസാദ് സിങ്
6-അശ്വിനി വൈഷ്ണവ്
7- പശുപതി കുമാര്‍ പരസ്
8-കിരണ്‍ റിജിജു
9-രാജ് കുമാര്‍ സിങ്
10- ഹര്‍ദീപ് സിങ് പുരി
11- മന്‍സുഖ് മാണ്ഡവ്യ
12-ഭൂപേന്ദര്‍ യാദവ്
13- പുരുഷോത്തം രൂപാല
14-ജി. കിഷന്‍ റെഡ്ഡി
15-അനുരാഗ് ഠാക്കൂര്‍
16-പങ്കജ് ചൗധരി
17-അനുപ്രിയ സിങ് പട്ടേല്‍
18-സത്യപാല്‍ സിങ് ബാഘേല്‍
19-രാജീവ് ചന്ദ്രശേഖര്‍
20-ശോഭ കരന്ദലജെ
21-ഭാനുപ്രതാപ് സിങ് വര്‍മ
22-ദര്‍ശന വിക്രം ജര്‍ദോഷ്
23-മീനാക്ഷി ലേഖി
24-അന്നപൂര്‍ണ ദേവി
25-എ. നാരായണസ്വാമി
26-കൗശല്‍ കിഷോര്‍
27-അജയ് ഭട്ട്
28-ബി.എല്‍. വര്‍മ
29-അജയ് കുമാര്‍
30-ചൗഹാന്‍ ദേവുസിന്‍ഹ്
31-ഭഗവന്ത് ഖൂബ
32-കപില്‍ മോരേശ്വര്‍ പാട്ടീല്‍
33-പ്രതിമ ഭൗമിക്
34-ഡോ. സുഭാഷ് സര്‍ക്കാര്‍
35-ഡോ. ഭഗവത് കൃഷ്ണറാവു കാരാട്
36-ഡോ. രാജ്കുമാര്‍ രഞ്ജന്‍ സിങ്
37-ഡോ. ഭാരതി പ്രവീണ്‍ പവാര്‍
38-ബിശ്വേശ്വര്‍ ടുഡു
39-ശന്തനു ഠാക്കൂര്‍
40-ഡോ. മുഞ്ജപര മഹേന്ദ്രഭായി
41-ജോണ്‍ ബാര്‍ല
42- ഡോ. എല്‍. മുരുഗന്‍
43- നിതീഷ് പ്രമാണിക്
