അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.കൊച്ചി: ചാനല് പരിപാടിയില് ഭർതൃപീഡനം പരാതിപ്പെട്ട യുവതിയോട് വനിത കമ്മീഷൻ അധ്യക്ഷ മോശമായി പെരുമാറിയ സംഭവത്തിൽ രൂക്ഷവിമർശനവുമായി സംവിധായകൻ ആഷിഖ് അബു.’വനിതാ കമ്മീഷന് അധ്യക്ഷ ക്രൂരയായ ജയില് വാര്ഡനെ ഓര്മിപ്പിക്കുന്നു. പരാതിക്കാരിയോടും പൊതുസമൂഹത്തോടും മാപ്പുപറഞ്ഞ് സ്ഥാനമൊഴിയണം’- ആഷിക് അബു കുറിച്ചു. ഫേസ്ബുക്കിലൂടെയായിരുന്നു ആഷിഖിന്റെ പ്രതികരണം.
ഗാര്ഹിക പീഡനം നേരിടുന്നവര്ക്ക് തത്സമയം പരാതി നല്കാനായി വാര്ത്താചാനല് നടത്തിയ പരിപാടിയിലാണ് ഭര്ത്താവ് ഉപദ്രവിക്കുന്നെന്ന് പറഞ്ഞ യുവതിയോട് വനിതാ കമ്മീഷന് അധ്യക്ഷ അപമര്യാദയായി പെരുമാറിയത്. യുവതി സംസാരിച്ച് തുടങ്ങിയത് മുതല് അസ്വസ്ഥതയോടെയും ദേഷ്യത്തോടെയുമാണ് എം.സി ജോസഫൈന് പെരുമാറിയത്.
ജോസഫൈന്റെ പ്രതികരണത്തിനെതിരെ വ്യാപക പ്രതിഷേധമാണ് ഉയരുന്നത്. ഒരു വനിതാ കമ്മീഷന് അധ്യക്ഷ ഒരിക്കലും ഇത്തരത്തില് സംസാരിക്കരുതെന്നും ജോസഫൈനെ ഈ സ്ഥാനത്ത് നിന്നും മാറ്റേണ്ട സമയം അതിക്രമിച്ചു കഴിഞ്ഞെന്നും നിരവധി പേര് സോഷ്യല് മീഡിയയില് പറയുന്നുണ്ട്.
https://www.facebook.com/plugins/post.php?href=https%3A%2F%2Fwww.facebook.com%2FAashiqAbuOnline%2Fposts%2F341491557346070&show_text=true&width=500
