അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ശ്രീനഗർ: ജമ്മു കശ്മീരിലെ അനന്ത്നാഗിൽ ഭീകരരും സുരക്ഷാസേനയും തമ്മിൽ ഏറ്റുമുട്ടൽ. അനന്ത്നാഗ് ജില്ലയിലെ കൊകർനാഗിലെ വൈലൂവിലാണ് ഏറ്റുമുട്ടൽ നടക്കുന്നത്. ലഷ്കർ ഇ തയ്ബ ഭീകരാറുമായാണ് സൈന്യത്തിന്റെ ഏറ്റുമുട്ടൽ.
മൂന്നു ലഷ്കർ ഇ തയ്ബ ഭീകരരെ സുരക്ഷാസേന വളഞ്ഞതായി കശ്മീർ ഐ.ജി വിജയ് കുമാർ പറഞ്ഞു. ജമ്മു കശ്മീർ പൊലീസും സുരക്ഷാസേനയും സംയുക്തമായാണ് ഏറ്റുമുട്ടലിൽ പങ്കെടുക്കുന്നതെന്ന് കശ്മീർ സോൺ പൊലീസ് അറിയിച്ചു.
ഞായറാഴ്ച രാത്രിയിൽ പത്രാഡ പഞ്ചായത്തിലെ വനമേഖലയിൽ സംശയാസ്പദ സാഹചര്യത്തിൽ ചിലരെ കണ്ടതായി പ്രദേശവാസികൾ പൊലീസിന് വിവരം കൈമാറിയിരുന്നു. ഇതേ തുടർന്ന് സംയുക്തസേന തിരച്ചിൽ നടത്തിയെങ്കിലും ആരെയും കണ്ടെത്താനായില്ല. ഇതിന് പിന്നാലെയാണ് ഇന്നത്തെ ഏറ്റുമുട്ടൽ.
