അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അബുദാബി: യുഎഇയില് 1,699 പേര്ക്ക് കൂടി കോവിഡ് സ്ഥിരീകരിച്ചു. 24 മണിക്കൂറിനിടെ രോഗം ബാധിച്ച് രണ്ട് പേര് മരിച്ചതായി ആരോഗ്യ-പ്രതിരോധ മന്ത്രാലയം അറിയിച്ചു. അതേസമയം, ചികിത്സയിലായിരുന്ന 1,686 പേര് കൂടി രോഗമുക്തി നേടിയതോടെ ആകെ രോഗം ഭേദമായവരുടെ എണ്ണം 5,07,706 ആയി ഉയര്ന്നു.
1,79,453 കോവിഡ് പരിശോധനകള് നടത്തിയതില് നിന്നാണ് പുതിയ രോഗികളെ കണ്ടെത്തിയത്. ഇതുവരെയുള്ള കണക്കുകള് പ്രകാരം രാജ്യത്ത് 5,27,266 പേര്ക്കാണ് വൈറസ് ബാധ സ്ഥിരീകരിച്ചിട്ടുള്ളത്. ആകെ 1,598 കോവിഡ് മരണങ്ങള് രാജ്യത്ത് റിപ്പോര്ട്ട് ചെയ്യപ്പെട്ടു. നിലവില് 17,962 രോഗികള് യുഎഇയില് ഉണ്ടെന്നാണ് കണക്കുകള് വ്യക്തമാക്കുന്നത്.
