അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: പൊലീസ് വാഹനങ്ങൾ ഉൾപ്പെടെയുള്ള സർക്കാർ വാഹനങ്ങൾക്ക് ഇന്ധനം നിറച്ച വകയിൽ ലക്ഷങ്ങൾ കുടിശിക. പണം ഉടൻ നൽകിയില്ലെങ്കിൽ പൊലീസിനും മറ്റു സർക്കാർ വാഹനങ്ങൾക്കുമുള്ള ഇന്ധനവിതരണം പൂർണ്ണമായി നിർത്തിവയ്ക്കുമെന്ന് ഓൾ കേരള ഫെഡറേഷൻ ഓഫ് പെട്രോളിയം ട്രേഡേഴ്സ്.
കഴിഞ്ഞ 5 മാസമായി പൊലീസ് വാഹനങ്ങൾക്കു ഇന്ധനം നൽകിയ വകയിൽ നാലുലക്ഷം രൂപ മുതൽ 20 ലക്ഷം വരെ ലഭിക്കാനുള്ള പമ്പുകളുണ്ടെന്നാണ് സംഘടനയുടെ വിശദീകരണം.
സർക്കാർ കരാറുകാരും കോടിക്കണക്കിന് രൂപ പമ്പുകൾക്ക് നൽകാനുണ്ട്. മാർച്ച് 31 ന് മുൻപ് പണം നൽകണം. ഇല്ലെങ്കിൽ ഏപ്രിൽ ഒന്നു മുതൽ ഇന്ധനവിതരണം നിർത്തിവയ്ക്കുമെന്നു സംസ്ഥാന പ്രസിഡന്റ് ടോമി തോമസ്സ്, ജനറൽ സെക്രട്ടറി അഷ്റഫ് എന്നിവർ അറിയിച്ചു.
