അന്വേഷണം വാർത്തകൾ ലഭിക്കാന്‍ വാട്സാപ്പ് ചാനലില്‍ ചേരൂ.കുവൈത്ത് സിറ്റി: കോഴിക്കോട് ജില്ല അസോസിയേഷൻ ഇഫ്താർ ഖൈത്താൻ ഇന്ത്യൻ കമ്യൂണിറ്റി സ്കൂളിൽ സംഘടിപ്പിച്ചു. സാമൂഹിക, സാംസ്കാരിക രംഗത്തെ പ്രമുഖരുടെയും അസോസിയേഷൻ അംഗങ്ങളുടെയും പങ്കാളിത്തം കൊണ്ട് സംഗമം ശ്രദ്ധേയമായി. അസോസിയേഷൻ രക്ഷാധികാരി ഹമീദ് കേളോത്ത് ഉദ്ഘാടനം നിർവഹിച്ചു.
പ്രസിഡന്റ് പി.വി. നജീബ് അധ്യക്ഷത വഹിച്ചു. ജനറൽ സെക്രട്ടറി ജാവേദ് ബിൻ ഹമീദ് സംഘടന കാര്യങ്ങൾ വിശദീകരിച്ചു. അസോസിയേഷൻ രക്ഷാധികാരി രാഗേഷ് പറമ്പത്ത്, മഹിളാവേദി പ്രസിഡന്റ് ഹസീന അഷ്‌റഫ്, മുൻ രക്ഷാധികാരി ഷബീർ മണ്ടോളി, അസീസ് തിക്കോടി എന്നിവർ സംസാരിച്ചു. ഡോ. അലിഫ് ഷുഖൂർ റമദാൻ പ്രഭാഷണം നടത്തി. ഇഫ്താർ കമ്മിറ്റി കൺവീനർ മുസ്തഫ മൈത്രി സ്വാഗതവും അസോസിയേഷൻ ട്രഷറർ സന്തോഷ് കുമാർ നന്ദിയും രേഖപ്പെടുത്തി.
