അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നമ്മുടെ പറമ്പുകളിൽ തന്നെ വിളയുന്ന പലതും നിറയെ ഔഷധ ഗുണങ്ങളുള്ളവയാണ്. വലിയ പരിചരണമൊന്നും ആവശ്യമില്ലാതെ വളർന്നു വരുന്ന വിത്തുകൾ ധാരാളമാണ്. അതിലൊന്നാണ് ചീര. വിറ്റാമിനുകളും ധാതുക്കളും ആന്റിഓക്‌സിഡന്റുകളും കൊണ്ട് സമ്പുഷ്ടമായ ചീര പച്ച ഇലക്കറികളിൽ മുൻപിട്ടു നിൽക്കുന്ന ഒന്നാണ്.
രോഗപ്രതിരോധ ശേഷി വർദ്ധിപ്പിക്കുന്നത് മുതൽ ഹൃദ്രോഗം, ക്യാൻസർ എന്നിവ തടയുന്നത് വരെ ഈ ആരോഗ്യപ്രദമായ ഇലക്കറി ആരോഗ്യത്തിന് പലവിധത്തിൽ ഗുണം ചെയ്യും. ഇവയിൽ കലോറിയുടെ സാന്നിധ്യം വളരെ കുറവായതിനാൽ ശരീരഭാരം കുറയ്ക്കുന്നതിനുള്ള ഭക്ഷണക്രമത്തിൽ ചീര ഉൾപ്പെടുത്തുന്നത് വളരെ നല്ലതാണു
ചീരയുടെ ആരോഗ്യ ഗുണങ്ങൾ എന്തെല്ലാം?
രോഗപ്രതിരോധ ശേഷി വർദ്ധിപ്പിക്കുന്നു: വിറ്റാമിൻ സി കൊണ്ട് സമ്പുഷ്ടമാണ് എന്നത് കൂടാതെ, നിരവധി ആന്റിഓക്‌സിഡന്റുകളുടെയും ബീറ്റാ കരോട്ടിന്റെയും മികച്ച ഉറവിടമാണ് എന്നതിനാൽ ചീര രോഗപ്രതിരോധ ശേഷി വർദ്ധിപ്പിക്കുന്ന ഒരു ശക്തമായ പച്ചക്കറിയാണ്.
ചീരയിൽ അടങ്ങിയിട്ടുള്ള വിറ്റാമിൻ ഇ, മഗ്നീഷ്യം എന്നിവ ഉൾപ്പെടെയുള്ള വിറ്റാമിനുകളും ധാതുക്കളും നിങ്ങളുടെ പ്രതിരോധശേഷിയെ പിന്തുണയ്ക്കുകയും, വൈറസുകൾ, ബാക്ടീരിയകൾ എന്നിവയിൽ നിന്ന് സുരക്ഷിതമായി തുടരാൻ നിങ്ങളെ സഹായിക്കുകയും ചെയ്യുന്നു.
ശരീരഭാരം കുറയ്ക്കാൻ സഹായിക്കുന്നു: ചീരയിൽ കാർബോഹൈഡ്രേറ്റ് സാന്നിദ്ധ്യം കുറവാണ്, പക്ഷേ ലയിക്കുന്ന നാരുകൾ ഇവയിൽ കൂടുതലാണ്. ഇത് ശരീരഭാരം കുറയ്ക്കാനും ആരോഗ്യം മെച്ചപ്പെടുത്താനും സഹായിക്കുകയും രക്തത്തിലെ പഞ്ചസാരയുടെ അളവ് നിയന്ത്രിക്കുകയും ചെയ്യുന്നു.
ഹെൽത്ത് ലൈനിന്റെ അഭിപ്രായത്തിൽ 3.5 ഔൺസ് ചീര നിങ്ങൾക്ക് 2.2 ഗ്രാം ഫൈബർ നൽകും, ഇത് വിശപ്പിനെ നിയന്ത്രിക്കാനും അമിതമായി ഭക്ഷണം കഴിക്കുന്നത് തടയാനും സഹായിക്കുന്നു. ഇതിന്റെ ഉയർന്ന ഫൈബർ ഉള്ളടക്കം നിങ്ങളുടെ ദഹനത്തിന് ഗുണം ചെയ്യുകയും, മലബന്ധത്തിന്റെ പ്രശ്നം ഒഴിവാക്കുകയും ചെയ്യുന്നു.
പോഷകസമൃദ്ധമായ പച്ചക്കറി നിങ്ങളുടെ ഭക്ഷണക്രമത്തിൽ ഉൾപ്പെടുത്തുന്നത് നിങ്ങളുടെ വിശപ്പ് നിയന്ത്രിക്കുന്നതിനും ദഹനം വർദ്ധിപ്പിക്കുന്നതിനും രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിനും മറ്റു പലതിനുമുള്ള ഒരു മികച്ച മാർഗമാണ്.
രക്തത്തിലെ പഞ്ചസാരയുടെ അളവ് നിയന്ത്രിക്കുന്നു: ചീരയിൽ നൈട്രേറ്റുകൾ അടങ്ങിയിട്ടുണ്ട്, ഇത് രക്തസമ്മർദ്ദം നിയന്ത്രിക്കുന്നതിനും ഹൃദ്രോഗ സാധ്യത കുറയ്ക്കുന്നതിനും സഹായിക്കുന്നു. ചീര കഴിക്കുന്നത് ഹൃദയാരോഗ്യം മെച്ചപ്പെടുത്താൻ സഹായിക്കുമെന്ന് ഗവേഷണങ്ങൾ സൂചിപ്പിക്കുന്നു. 27 പേർ ഉൾപ്പെട്ട ഒരു പഠനത്തിൽ ഈ ഇലക്കറികൾ രക്തസമ്മർദ്ദത്തിന്റെ അളവ് ഫലപ്രദമായി കുറയ്ക്കുമെന്നും അഭിപ്രായപ്പെടുന്നു.
ജലാംശം നൽകുന്നു: നിങ്ങളുടെ അവയവങ്ങൾ ശരിയായി പ്രവർത്തിക്കാൻ ശരീരത്തിൽ ജലാംശം നിലനിർത്തേണ്ടത് പ്രധാനമാണ്. ഇത് ശരീരത്തെ നിയന്ത്രിക്കാനും സന്ധികൾക്ക് വഴക്കം നൽകുവാനും കോശങ്ങളിലേക്ക് പോഷകങ്ങൾ എത്തിക്കാനും അണുബാധയ്ക്കുള്ള സാധ്യത കുറയ്ക്കാനും
ഉറക്കത്തിന്റെ ഗുണനിലവാരവും മാനസികാവസ്ഥയും മെച്ചപ്പെടുത്താനും സഹായിക്കുന്നു. ചീര പോലുള്ള ജലസമൃദ്ധമായ ഭക്ഷണം കഴിക്കുന്നത് ശരീരത്തിൽ നന്നായി ജലാംശം നിലനിർത്താനും മൊത്തത്തിലുള്ള ആരോഗ്യം മെച്ചപ്പെടുത്തുവാനും സഹായിക്കും.
കണ്ണിന്റെ ആരോഗ്യം മെച്ചപ്പെടുത്തുന്നു: ചീരയിൽ നിങ്ങളുടെ കണ്ണ് ആരോഗ്യകരമായി നിലനിർത്താൻ സഹായിക്കുന്ന ല്യൂട്ടിൻ, സിയാക്സാന്തിൻ എന്നിവയുൾപ്പെടെ നിരവധി സസ്യ സംയുക്തങ്ങൾ അടങ്ങിയിരിക്കുന്നു. ഈ സംയുക്തങ്ങൾ നിങ്ങളുടെ കണ്ണിൽ മാക്യുലർ ഡീജനറേഷനും തിമിരവും ഉണ്ടാകുവാനുള്ള സാധ്യത കുറയ്ക്കുമെന്ന് ഗവേഷണങ്ങൾ സൂചിപ്പിക്കുന്നു.
സൂര്യപ്രകാശം മൂലമുണ്ടാകുന്ന നാശത്തിൽ നിന്ന് നിങ്ങളുടെ കണ്ണുകളെ സംരക്ഷിക്കാൻ ഈ സംയുക്തങ്ങൾ സഹായിച്ചേക്കാം. കാൻസറിനെ പ്രതിരോധിക്കാൻ സഹായിക്കുന്ന ആന്റിഓക്‌സിഡന്റുകളും ചീരയിൽ അടങ്ങിയിട്ടുണ്ട്. ചീരയിൽ കാണപ്പെടുന്ന എം‌ജി‌ഡി‌ജി, എസ്‌ക്യുഡിജി എന്നീ രണ്ട് ഘടകങ്ങളും കാൻസർ വളർച്ചയെ മന്ദഗതിയിലാക്കുവാൻ സഹായിക്കും.
Read More മുടി കളർ ചെയ്യുന്നുണ്ടോ? ഉറപ്പായും അറിഞ്ഞിരിക്കാം ഈ കാര്യങ്ങൾ
