അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ആരാധകർ ഏറെ ആകാംക്ഷയോടെ കാത്തിരിക്കുന്ന ഫഹദ് ഫാസിൽ ചിത്രമാണ് ആവേശം. നാളെയാണ് ചിത്രം തീയറ്ററുകളിൽ എത്തുന്നത്. രോമാഞ്ചം എന്ന സിനിമയ്ക്ക് ശേഷം ജിത്തു മാധവന്റെ സംവിധാനത്തിൽ ഒരുങ്ങുന്ന ചിത്രമാണിത്. രംഗൻ എന്ന ഗുണ്ടാ കഥാപാത്രത്തെയാണ് ചിത്രത്തിൽ ഫഹദ് അവതരിപ്പിച്ചിരിക്കുന്നത്. ചിത്രത്തിന്റെ വെൽക്കം ടീസർ ആണ് ഇപ്പോൾ സാമൂഹ്യ മാധ്യമങ്ങളിൽ വൈറൽ ആകുന്നത്. സിനിമ തിയേറ്ററുകളിൽ റിലീസ് ചെയ്യുന്നതിന് ഒരു ദിവസം ബാക്കി നിൽക്കെയാണ് അണിയറ പ്രവർത്തകർ വെൽക്കം ടീസർ പുറത്തുവിട്ടത്.
കിടിലൻ നൃത്തച്ചുവടുകളുമായി ആണ് ഫഹദ് ടീസറിൽ പ്രത്യക്ഷപ്പെടുന്നത്. തീർത്തും വ്യത്യസ്തമായ ഒരു ഗെറ്റപ്പിൽ ആണ് ഫഹദ് പ്രത്യക്ഷപ്പെടുന്നത് എന്നതാണ് ചിത്രത്തിന്റെ മറ്റൊരു സവിശേഷത.
യുവാക്കളെ ആകർഷിക്കാൻ വേണ്ട ഘടകങ്ങളെല്ലാം ആവേശം എന്ന സിനിമയിൽ ഉണ്ടെന്നാണ് ഇതുവരെയുള്ള അപ്ഡേറ്റുകളിൽ നിന്ന് വ്യക്തമാകുന്നത്. അൻവർ റഷീദും ഫഹദ് ഫാസിലും ആണ് ചിത്രം നിർമ്മിച്ചിരിക്കുന്നത്. അൻവർ റഷീദ് എന്റർടൈൻമെന്റ്സിന്റെയും ഫഹദ് ഫാസിൽ ആൻഡ് ഫ്രണ്ട്സിന്റെയും ബാനറിൽ ഒരുങ്ങുന്ന ചിത്രത്തിൽ ആശിഷ് വിദ്യാർത്ഥി, മൻസൂർ അലി ഖാൻ, ഹിപ്പ്സ്റ്റർ, മിഥുൻ ജയശങ്കർ എന്നിവരും പ്രധാന കഥാപാത്രങ്ങളെ അവതരിപ്പിച്ചിട്ടുണ്ട്. രോമാഞ്ചം എന്ന ചിത്രത്തിലൂടെ സുപരിചിതനായ സജിൻ ഗോപു ആണ് ചിത്രത്തിലെ മറ്റൊരു പ്രധാന കഥാപാത്രം.
സമിർ താഹിറാണ് ചിത്രത്തിന്റെ ഛായാഗ്രഹകൻ. വിവേകക് ഹർഷനാണ് ചിത്രത്തിന്റെ എഡിറ്റിംഗ് നിർവഹിച്ചിരിക്കുന്നത്. സുഷിൻ ആണ് ചിത്രത്തിന്റെ സംഗീത സംവിധായകൻ.
