അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.മറ്റൊരു മതത്തിൽ പെട്ട ആളെ വിവാഹം ചെയ്തതിന്റെ പേരിൽ വളരെ മോശം കമന്റുകളും കുറ്റപ്പെടുത്തലുകളും നേരിടേണ്ടി വന്നിരുന്നുവെന്ന് വെളിപ്പെടുത്തി നടി പ്രിയാമണി. അതൊന്നും തന്നെ ബാധിച്ചില്ല എന്ന് പറയാൻ കഴിയില്ലെന്നും പ്രിയാമണി വ്യക്തമാക്കി. മുസ്തഫയുമായുള്ള വിവാഹത്തെ കുറിച്ചായിരുന്നു പ്രിയാമണി തുറന്നു സംസാരിച്ചത്.
ആ ട്രോളുകളും വിവാദങ്ങളും തന്നെ വലിയ രീതിയിൽ ബാധിച്ചു. നല്ല രീതിയിൽ തന്റെ വികാരങ്ങളെ അതെല്ലാം ബാധിച്ചിരുന്നു. തന്നെക്കാൾ തന്റെ പാരന്റ്സിനെയാണ് അത് കൂടുതൽ ബാധിച്ചത്. എന്നാൽ ആ സമയത്ത് എന്തിനും തനിക്ക് സപ്പോർട്ടായി പാറ പോലെ മുസ്തഫ കൂടെ നിന്നുവെന്ന് പ്രിയാമണി അറിയിച്ചു.
എന്ത് സംഭവിച്ചാലും, ഓരോ സ്റ്റെപ്പിലും തനിക്കൊപ്പം മുന്നോട്ട് വരൂ എന്നാണ് മുസ്തഫ തന്നോട് പറഞ്ഞത്. ഇത്രയും അധികം പിന്തുണ നൽകുന്ന, മനസ്സിലാക്കുന്ന ഒരു പങ്കാളിയെ കിട്ടിയതാണ് തന്റെ ഏറ്റവും വലിയ സന്തോഷം. എല്ലാം എങ്ങനെയൊക്കെ കൈകാര്യം ചെയ്യണം എന്ന് അദ്ദേഹത്തിന് നന്നായി അറിയാം. തനിക്ക് മാത്രമല്ല, തന്റെ പാരന്റ്സിനും അദ്ദേഹം ആശ്വാസമായി. തങ്ങൾ രണ്ട് പേരും നെഗറ്റീവുകൾ പാരന്റ്സിനെ ബാധിക്കാതെ നോക്കിയിരുന്നു. ഇതിലൊന്നും അധികം ശ്രദ്ധ കൊടുക്കേണ്ടതില്ല, വിഷമിക്കാനും ഇല്ലെന്ന് പ്രിയാമണി വ്യക്തമാക്കുന്നു
എന്തെല്ലാം സംഭവിച്ചാലും അവസാനം തങ്ങൾ രണ്ട് പേരും തന്നെയാണ്, തങ്ങളുടെ ബന്ധത്തെ അത് ബാധിക്കുന്നില്ല എന്ന് അവരോട് പറഞ്ഞു. രക്ഷിതാക്കളുടെ അനുഗ്രഹവും പ്രാർത്ഥനയും തന്നെയായിരുന്നു തങ്ങളുടെ കരുത്തെന്നും പ്രിയാമണി കൂട്ടിച്ചേർത്തു.
2017 ആഗസ്റ്റ് 23 നാണ് പ്രിയാമണിയും മുസ്തഫയും വിവാഹം ചെയ്തത്. തനിക്കെതിരെ ധാരളം കിംവദന്തികൾ ഉയർന്നിരുന്ന സമയത്താണ് തങ്ങൾ കാണുന്നത്. തന്റെ ഭാഗം ഞാൻ അദ്ദേഹത്തോട് വ്യക്തമാക്കിയിരുന്നു. കാരണം, തങ്ങളുടേത് ഒന്നിച്ചുള്ള ചുവടുവെപ്പാണ്. ജീവിതകാലം മുഴുവൻ ഒരുമിച്ച് ചെലവഴിക്കാൻ തീരുമാനിച്ചവരാണ്. ജീവിത യാത്രയിൽ എന്തൊക്കെ സംഭവിച്ചാലും ഒരുമിച്ചായിരിക്കും സഞ്ചരിക്കുക. തന്നെ മനസിലാക്കുന്ന ഒരു മികച്ച പങ്കാളിയെ കിട്ടിയതിൽ ഞാൻ വളരെ സന്തോഷവതിയാണ്. കൂടാതെ, കാര്യങ്ങൾ എങ്ങനെ കൈകാര്യം ചെയ്യണമെന്ന് അദ്ദേഹത്തിന് അറിയാമെന്നും പ്രിയാമണി കൂട്ടിച്ചേർത്തു.
അജയ് ദേവഗൺ ചിത്രം മൈദാനാണ് താരത്തിന്റെ ഏറ്റവും പുതിയ ചിത്രം. ഈദ് റിലീസായി എത്തിയ ചിത്രം ഇപ്പോഴും തിയേറ്ററുകളിൽ പ്രദർശിപ്പിക്കുന്നുണ്ട്.
