പ്രമേഹം വർധിപ്പിച്ച് ജാമ്യം ലഭിക്കാൻ കെജ്‍രിവാൾ മ​ധു​രം ക​ഴി​ക്കു​ന്നു; ഇ​ഡി കോ​ട​തി​യി​ൽ

ന്യൂ​ഡ​ൽ​ഹി: മ​ദ്യ​ന​യ അ​ഴി​മ​തി​ക്കേ​സി​ൽ ജ​യി​ലി​ലാ​യ ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ് കെജ്‍രി​വാ​ളി​നെ​തി​രെ എ​ൻ​ഫോ​ഴ്‌​സ്‌​മെ​ന്‍റ് ഡ​യ​റ​ക്ട​റേ​റ്റ്. കെജ്‍രി​വാ​ള്‍ ജ​യി​ലി​നു​ള്ളി​ലി​രു​ന്ന് മാ​മ്പ​ഴം അ​ട​ക്കം മ​ധു​ര​മു​ള്ള ഭ​ക്ഷ​ണം അ​മി​ത​മാ​യി ക​ഴി​ച്ച് പ്ര​മേ​ഹം കൂ​ട്ടാ​ൻ ശ്ര​മി​ക്കു​ന്നു. ജാ​മ്യം ല​ഭി​ക്കു​ന്ന​തി​നാ​യാ​ണ് കെജ്‍രിവാ​ൾ ഇ​ത് ചെ​യ്യു​ന്ന​തെ​ന്നും ഇ​ഡി കോ​ട​തി​യെ അ​റി​യി​ച്ചു. ഡോ​ക്ട​റെ കാ​ണ​ണം എ​ന്നാ​വ​ശ്യ​പ്പെ​ട്ടു​ള്ള കെജ്‍രിവാ​ളി​ന്‍റെ ഹ​ർ​ജി പ​രി​ഗ​ണി​ക്കു​ന്ന​തി​നി​ടെ ആ​യി​രു​ന്നു ഇ​ഡി​യു​ടെ എ​തി​ർ​വാ​ദം. ഹ​ര്‍​ജി വീ​ണ്ടും നാ​ളെ പ​രി​ഗ​ണി​ക്കും.

അതേസമയം, മാധ്യമവാർത്തക്ക് വേണ്ടിയാണ് ഇ.ഡി ഇത്തരം വാദങ്ങൾ ഉയർത്തുന്നതെന്നു കെജ്‍രിവാളിന്റെ അഭിഭാഷകൻ പ്രതികരിച്ചു. വിഷയം കോടതിയുടെ പരിഗണനയിലാണ്. അദ്ദേഹം ഡോക്ടർമാരുടെ നിർദേശപ്രകാരം മാത്രമാണ് കഴിക്കുന്നത്. വീട്ടിൽ പാചകം ചെയ്യുന്ന ഭക്ഷണം തടയാനുള്ള ഇ.ഡിയുടെ ശ്രമമാണിതെന്നും അഭിഭാഷകൻ വിവേക് ജെയിൻ പറഞ്ഞു.

രക്തത്തിലെ പഞ്ചസാരയുടെ അളവ് വർധിപ്പിച്ച് ജാമ്യം തേടാനാണ് കെജ്‍രിവാളിന്റെ ശ്രമമെന്ന് ഇ.ഡി പറയുന്നു. ഉയർന്ന പ്രമേഹമുണ്ടെന്ന് അവകാശപ്പെടുന്ന വ്യക്തിയാണ് പതിവായി മാമ്പഴവും മധുരപലഹാരങ്ങളും കഴിക്കുന്നത്. കൂടാതെ പഞ്ചസാര ചേർത്ത ചായയും കുടിക്കുന്നുണ്ടെന്ന് സ്പെഷ്യൽ പബ്ലിക് പ്രോസിക്യൂട്ടർ സോഹെബ് ഹുസൈൻ പറഞ്ഞു.

കെജ്‍രി​വാ​ൾ ക​ഴി​ക്കു​ന്ന ഭ​ക്ഷ​ണ​ത്തി​ന്‍റെ റി​പ്പോ​ർ​ട്ട് സ​മ​ർ​പ്പി​ക്കാ​ൻ തി​ഹാ​ർ ജ​യി​ൽ അ​ധി​കൃ​ത​രോ​ടു കോ​ട​തി ആ​വ​ശ്യ​പ്പെ​ട്ടു. ജ​യി​ലി​ൽ 24 മ​ണി​ക്കൂ​റും ഡോ​ക്ട​ർ​മാ​രെ നി​യോ​ഗി​ച്ചി​ട്ടു​ണ്ടെ​ന്നും കെജ്‍രി​വാ​ളി​ന്‍റെ ര​ക്ത​ത്തി​ലെ പ​ഞ്ച​സാ​ര​യു​ടെ അ​ള​വ് ദി​വ​സ​ത്തി​ൽ ര​ണ്ടു​ത​വ​ണ പ​രി​ശോ​ധി​ക്കു​ന്ന​താ​യും ഇ​ഡി പ​റ​ഞ്ഞു.

മദ്യനയവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ തിഹാർ ജയിലിൽ ജുഡീഷ്യൽ കസ്റ്റഡിയിലാണ് കെജ്‍രിവാൾ. ഡൽഹി മുഖ്യമന്ത്രി സ്ഥാനത്തുനിന്ന് കെജ്‌രിവാൾ രാജിവെക്കണമെന്ന് ബി.ജെ.പി ആവശ്യപ്പെടുന്നുണ്ടെങ്കിലും അദ്ദേഹം തൽസ്ഥാനത്ത് തുടരുകയാണ്.