മലയാളത്തിൽ സ്ത്രീ കേന്ദ്രീകൃത കഥാപാത്രങ്ങളവതരിപ്പിച്ച് ശ്രദ്ധേയമാകാൻ കഴിഞ്ഞ നടിയാണ് രേഖ. പുന്നഗൈ മന്നൻ എന്ന തമിഴ് സിനിമയിലൂടെ അഭിനയ രംഗത്തെത്തി റാംജി റാവ് സ്പീക്കിംഗ് എന്ന സിനിമയിലൂടെ മലയാളത്തിൽ പ്രവേശിച്ച രേഖ എന്ന ജോസഫൈൻ ശ്രദ്ധിക്കപ്പെട്ടതോടെ പിന്നീട് മലയാളത്തിന്റെ സ്വന്തം നടിയായി മാറി.
ഓട്ടോക്കു ചുറ്റും ഓടികൊണ്ടുള്ള പ്രണയമാണെങ്കിലും നായകനൊപ്പമോ ഒരുപടി മുന്നിലോ നിന്ന് മനസ്സിൽ തട്ടുന്ന കഥാപാത്രമായി മാറാൻ നാൽപതോളം സിനിമയിലഭിനയിച്ച രേഖക്ക് കഴിഞ്ഞിട്ടുണ്ട്.മലയാളത്തിലെ താരരാജാക്കന്മാർക്ക് ഒപ്പമെല്ലാം രേഖ അഭിനയിച്ചു. തമിഴില്‍ കമല്‍ഹാസനടക്കമുള്ളവരുടേയും നായികയായ രേഖ അക്കാലത്ത് ഏറ്റവും തിരക്കുള്ള നായികയായിരുന്നു. 1986 ല്‍ പുറത്തിറങ്ങിയ കടലോര കവിതൈഗള്‍ ആണ് രേഖയുടെ ആദ്യ സിനിമ. സത്യരാജ് ആയിരുന്നു ചിത്രത്തിലെ നായിക. പിന്നീട് പുന്നഗൈ മന്നന്‍, എങ്ക ഊരു പാട്ടുക്കാരന്‍, എന്‍ ബൊമ്മുക്കുട്ടി അമ്മാവുക്കു, പുരിയാത പുദിര്‍, ഗുണ, ഏയ് ഓട്ടോ, ഇന്‍ ഹരിഹര്‍ നഗര്‍, ദശരഥം തുടങ്ങി നിരവധി സൂപ്പര്‍ ഹിറ്റുകളില്‍ രേഖ അഭിനയിച്ചിട്ടുണ്ട്. 1996ലാണ് ബിസിനസുകാരനായ ഹാരിസിനെ വിവാഹം കഴിക്കുന്നത്. ഇരുവര്‍ക്കും ഒരു മകളുമുണ്ട്.
ഡിയര്‍ ഫ്രണ്ട് ആണ് രേഖയുടെ ഒടുവില്‍ പുറത്തിറങ്ങിയ മലയാളം സിനിമ. ഗുരുവായൂര്‍ അമ്പലനടയില്‍ ആണ് രേഖയുടെ പുതിയ സിനിമ. പൃഥ്വിരാജ്, ബേസില്‍ ജോസഫ്, അനശ്വര രാജന്‍, നിഖില വിമല്‍ തുടങ്ങിയവര്‍ പ്രധാന വേഷത്തിലെത്തുന്ന സിനിമയാണ് ഗുരുവായൂര്‍ അമ്പലനടയില്‍.