അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇന്ത്യയിലെ ഏറ്റവും റേറ്റിംഗിലുള്ള ടെലിവിഷന്‍ റിയാലിറ്റി ഷോയാണ് ബിഗ് ബോസ്. ഹിന്ദിയില്‍ സല്‍മാന്‍ ഖാന്‍ അവതാരകനായിട്ടെത്തുന്ന ഷോ പതിനാറ് സീസണുകളും പൂര്‍ത്തിയായിരിക്കുകയാണ്. കഴിഞ്ഞ ബിഗ് ബോസ് ഹിന്ദിയുടെ 16-ാം സീസണ്‍ ഏറെ ജനപ്രീതി നേടിയിരുന്നു. ഈ പരിപാടിയിലൂടെ ശ്രദ്ധേയനായ താരമാണ് അബ്ദു റോസിക്. പ്രശസ്തനായ സംഗീതജ്ഞന്‍ കൂടിയായ അബ്ദു വിവാഹിതനാവാന്‍ ഒരുങ്ങുകയാണ്. തന്റെ വിവാഹത്തെ കുറിച്ച്‌ താരം തന്നെ പങ്കുവെച്ച പോസ്റ്റാണ് ഇപ്പോള്‍ വൈറലായി കൊണ്ടിരിക്കുന്നത്. താജിക്കിസ്ഥാനില്‍ നിന്നുള്ള പ്രശസ്തനായ സംഗീതജ്ഞനാണ് അബ്ദു റോസിക്. നിരവധി ഹിറ്റ് പാട്ടുകളിലൂടെ ശ്രദ്ധേയനായെങ്കിലും സല്‍മാന്‍ ഖാന്‍ അവതാരകമായി എത്തിയ ‘ബിഗ് ബോസ് 16’ ല്‍ പങ്കെടുത്തതോടെയാണ് അബ്ദുവിന് ഇന്ത്യയില്‍ ജനപ്രീതി കൂടുതലായി കിട്ടുന്നത്.
ബിഗ് ബോസിലും തരംഗമായെങ്കിലും പ്രൊഫഷണല്‍ ബാധ്യതകള്‍ കാരണം താരം സ്വമേധയ ഷോ യില്‍ നിന്നും പുറത്തേക്ക് പോവുകയായിരുന്നു. മറ്റുള്ളവരില്‍ നിന്നും ഏറെ വ്യത്യസ്തനായ അബ്ദു വളര്‍ച്ച കുറവുള്ള ആളാണ്. കുട്ടിക്കാലത്ത് തന്നെ ഹോര്‍മോണിന്റെ കുറവുള്ളതിനാല്‍ വളര്‍ച്ച മുരടിച്ച്‌ പോവുന്ന അസുഖമുണ്ടെന്ന് കണ്ടെത്തിയെങ്കിലും അദ്ദേഹത്തെ ചികിത്സിക്കാന്‍ കുടുംബത്തിന് സാധിച്ചിരുന്നില്ല. ഇതോടെ താരത്തിന്റെ പൊക്കമില്ലാത്ത അവസ്ഥയിലേക്ക് എത്തിപ്പെടേണ്ടി വന്നു. എന്നാല്‍ സ്വന്തം കഴിവുകള്‍ കൊണ്ട് ഉയരങ്ങള്‍ കീഴടക്കിയിരിക്കുകയാണ് താരമിപ്പോള്‍. ഇപ്പോഴിതാ പുതിയൊരു ചുവടുവെപ്പ് കൂടി നടത്തുകയാണ്. സോഷ്യല്‍ മീഡിയ പോസ്റ്റിലൂടെയാണ് വിവാഹ നിശ്ചയ ഫോട്ടോകള്‍ അബ്ദു റോസിക്കി പുറത്തുവിട്ടത്.
കഴിഞ്ഞ മാസം ഷാര്‍ജയില്‍ വച്ച്‌ വിവാഹ നിശ്ചയം നടന്നു എന്നാണ് വിവരം. വധുവിന് സമ്മാനിച്ച വിവാഹ മോതിരത്തിന്റെയടക്കം ചിത്രങ്ങള്‍ താരം പോസ്റ്റ് ചെയ്തിരുന്നു.മാത്രമല്ല ഈ മോതിരവുമായി വധുവിന് അടുത്തിരിക്കുന്ന ചിത്രവും പങ്കുവെച്ചെങ്കിലും പ്രതിശ്രുത വധുവിനെ പുറംലോകത്തിന് കാണിച്ചിട്ടില്ല. അമീറ എന്നാണ് വധുവിന്റെ പേര്. തന്റെ ജീവിതത്തില്‍ ഇങ്ങനൊരു മുഹൂര്‍ത്തം ഉണ്ടാകുമെന്ന് കരുതിയിട്ടില്ലെന്നും എന്നെ തിരിച്ചറിയുന്ന ഒരു പങ്കാളിയെ ലഭിച്ചതോടെ അതിന് സാധിച്ചു എന്നും അബ്ദു നേരത്തെ പങ്കുവെച്ച വീഡിയോയില്‍ പറഞ്ഞിരുന്നു. ജൂലൈ ഏഴിനായിരിക്കും അബ്ദു റോസിക്കിയുടെയും അമീറയുടെയും വിവാഹം നടക്കുക. തന്റെ ജീവിതത്തിലേക്ക് അമീറ കടന്ന് വന്നതോടെ എല്ലാ കാര്യങ്ങളിലും മാറ്റമുണ്ടായി എന്നും താരം സൂചിപ്പിച്ചിരുന്നു. എന്തായാലും അബ്ദുവിന് നല്ലൊരു ദാമ്ബത്യജീവിതം ഉണ്ടാകട്ടെ എന്ന് ആശംസിക്കുകയാണെന്നാണ് ആരാധകര്‍ പറയുന്നത്.
