അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നീണ്ട ഇടവേളയ്ക്ക് ശേഷം മലയാള സിനിമാ രംഗത്ത് സജീവമായിക്കൊണ്ടിരിക്കുകയാണ് നടി ഭാവന. നമ്മൾ എന്ന സിനിമയിലൂടെ അഭിനയ. രംഗത്തേക്ക് കട‌ന്ന് വന്ന ഭാവനയ്ക്ക് പിന്നീട് കൈ നിറയെ അവസരങ്ങൾ ലഭിച്ചു. മലയാളത്തിൽ നിന്നും മറ്റ് ഭാഷകളിലേക്ക് കടന്നപ്പോൾ ഭാവനയുടെ താരമൂല്യം കൂടി. തമിഴിൽ അജിത്ത് ഉൾപ്പെടെയുള്ള സൂപ്പർതാരങ്ങൾക്കൊപ്പം അഭിനയിച്ചു. കന്നഡ സിനിമാ രംഗമാണ് ഭാവനയെ വലിയ തോതിൽ ആഘോഷിച്ചത്. മലയാളത്തിൽ നിന്ന് അഞ്ച് വർഷത്തോളം മാറി നിന്നപ്പോഴും ഭാവന കന്നഡ സിനിമാ രംഗത്ത് സജീവമായിരുന്നു. നടി ജീവിത പങ്കാളിയാക്കിയതും കന്നഡ സിനിമാ രംഗത്തെ നിർമാതാവായ നവീനെയാണ്.
ഭാവനയെക്കുറിച്ച് തമിഴ് നടൻ ശ്രീകാന്ത് പറഞ്ഞ വാക്കുകളാണിപ്പോൾ ശ്രദ്ധ നേടുന്നത്. ഭാവനയോടൊപ്പം ഒന്നിലേറെ സിനിമകളിൽ ശ്രീകാന്ത് അഭിനയിച്ചിട്ടുണ്ട്. ഒരിക്കൽ ഷൂട്ടിംഗിനിടെയുണ്ടായ രസകരമായ സംഭവമാണ് ശ്രീകാന്ത് പങ്കുവെച്ചത്. ഭാവന എന്റെ മൂക്കിന് ഇടിച്ചു. എന്റെ മൂക്കാണ് പൊട്ടിയത്. അവളാണ് ഇടിച്ചതും. പക്ഷെ കരഞ്ഞത് അവളാണ്. അടികിട്ടിയതും ചോര വന്നതും എനിക്കാണ്. എന്നാൽ കണ്ണീർ മാത്രം അവൾക്ക് വരുന്നത് എന്താണെന്ന് ഞാൻ ചോദിച്ചു. ഗാന രംഗ ചെയ്യുമ്പോൾ ഇടിക്കുന്ന പോലെ കാണിക്കണം. അറിയാതെ കുറച്ച് വേഗത്തിൽ ഇടിച്ചു. ഉടനെ മൂക്ക് പൊട്ടി. നാല് സിനിമകൾ ഭാവനയ്ക്കൊപ്പം ചെയ്തിട്ടുണ്ട്. ഒരു കുട്ടിയെ പോലെയാണവൾ. വളരെ ചെെൽഡിഷാണെന്നും ശ്രീകാന്ത് ചിരിയോടെ പറഞ്ഞു. തമിഴകത്ത് അധികം സിനിമകൾ ഭാവന ചെയ്തിട്ടില്ല.
അജിത്ത് നായകനായ അസൽ ആണ് ഭാവന അഭിനയിച്ച അവസാനത്തെ തമിഴ് ചിത്രം. ഡാേർ എന്ന സിനിമയിലൂടെ വീണ്ടും തമിഴകത്തേക്ക് വരാനൊരുങ്ങുകയാണ് നടി. ഭാവനയുടെ സഹോദരൻ ജയ്ദേവാണ് ഈ ചിത്രം സംവിധാനം ചെയ്യുന്നത്. ഹൊറർ പശ്ചാത്തലത്തിൽ ഒരുങ്ങുന്ന സിനിമയാണ് ഡോർ. നടിയുടെ പുതിയ മലയാള ചിത്രം നടികർ തിയറ്ററിൽ പ്രദർശനം തുടരുകയാണ്. ടൊവിനോ തോമസാണ് ചിത്രത്തിലെ നായകൻ. ജീൻ പോൾ ലാലാണ് ചിത്രം സംവിധാനം ചെയ്തത്. ന്റിക്കാക്കാക്കൊരു പ്രേമണ്ടാർന്ന് എന്ന സിനിമയിലൂടെയാണ് ഭാവന മലയാളത്തിലേക്ക് തിരിച്ചെത്തിയത്.
