അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നടിയും ബിഗ്ബോസ് താരുവുമായ രാഖി സാവന്ത് ആശുപത്രിയിൽ. ഹൃദയ സംബന്ധമായ പ്രശ്നങ്ങളെ തുടർന്നാണ് ഇവരെ ആശുപത്രയിൽ പ്രവേശിപ്പിച്ചതെന്നാണ് വിവരം. ആശുപത്രി ബെഡിൽ കിടക്കുന്ന ഇവരുടെ ചിത്രങ്ങൾ സോഷ്യൽ മീഡിയയിൽ വൈറലായിട്ടുണ്ട്.
നടിക്ക് ആറുദിവസം വരെ ഡോക്ടർമാർ വിശ്രമം നിർദ്ദേശിച്ചെന്ന് ടൈംസ് നൗ രാഖിയെ ഉദ്ദരിച്ച് വാർത്ത നൽകിയിട്ടുണ്ട്. രോഗത്തെ സംബന്ധിച്ച് കൂടുതൽ വിവരങ്ങൾ പുറത്തുപറയാനാകില്ലെന്നും അധികം സംസാരിക്കാനാകില്ലെന്നും നടി അറിയിച്ചെന്ന് ടൈംസ് നൗ വ്യക്തമാക്കുന്നു.
അതേസമയം നടിയുടെ ആരോഗ്യത്തിൽ ആശങ്ക പ്രകടിപ്പിച്ച് ആരാധകരും രംഗത്തുവന്നു. ഏത് ആശുപത്രിയിലാണ് രാഖിയെ പ്രവേശിപ്പിച്ചതെന്ന കാര്യവും വ്യക്തമല്ല.
