അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാലക്കാട്: അഗളിയില്‍ മഞ്ഞച്ചോല വ്യൂ പോയിന്റ് സന്ദര്‍ശിക്കുന്നതിനിടെ വഴിതെറ്റി മലയില്‍ കുടുങ്ങിയ നാല് വിദ്യാര്‍ത്ഥികളെ സുരക്ഷിതമായി താഴെയെത്തിച്ചു. പൊലീസും ഫയര്‍ ഫോഴ്‌സും ചേര്‍ന്നാണ് വിദ്യാര്‍ത്ഥികളെ രക്ഷപ്പെടുത്തിയത്.
മഴ പെയ്തതോടെ വഴി തെറ്റി വിദ്യാർഥികൾ മലമുകളില്‍ അകപ്പെടുകയായിരുന്നു. അഗളി മഞ്ഞച്ചോല വ്യൂ പോയിന്റ് കാണാനാണ് ഇവർ എത്തിയത്. എടത്തനാട്ടുകര സ്വദേശികളായ നാല് പേരാണ് മലയില്‍ അകപ്പെട്ടത്. അഗളി ഫോറസ്റ്റ് സ്‌റ്റേഷന്‍ പരിധിയില്‍ അനധികൃതമായി പ്രവേശിച്ചതിന് യുവാക്കള്‍ക്കെതിരെ കേസെടുത്തു. മേലാറ്റൂര്‍ സ്വദേശികളായ അഷ്‌കര്‍, സല്‍മാന്‍,സെഹാനുദ്ദിന്‍, മഹേഷ് എന്നിവര്‍ക്കെതിരെയാണ് കേസെടുത്തത്.
മഞ്ഞും മഴയും ഒരുമിച്ച് കാണാനായി വൈകീട്ടോടെയാണ് വിദ്യാര്‍ത്ഥികള്‍ വ്യൂ പോയിന്റിലെത്തിയത്. ശക്തമായ മഴയുള്ളതിനാല്‍ ഈ പ്രദേശത്തേക്കുള്ള വിനോദസഞ്ചാരം ഒഴിവാക്കണമെന്ന് കര്‍ശന നിര്‍ദേശമുണ്ടായിരുന്നു. ഈ നിര്‍ദേശം ലംഘിച്ചുകൊണ്ടാണ് യുവാക്കള്‍ മലമുകളിലേക്ക് കയറിയത്.
