അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബിഗ് ബോസ് ഒടിടിയുടെ മൂന്നാം സീസണില്‍ സൽമാൻ ഖാൻ അവതാരകനായിരിക്കില്ലെന്ന്‍ റിപ്പോർട്ട്. സിക്കന്ദര്‍ സിനിമയുടെ ഷൂട്ടിംഗ് കാരണം സല്‍മാന്‍ വരാനിരിക്കുന്ന ബിഗ്ബോസ് ഒടിടി സീസണിൽ നിന്ന് പിന്മാറിയതായി ഹിന്ദുസ്ഥാൻ ടൈംസ് റിപ്പോര്‍ട്ട് ചെയ്യുന്നു. പകരം നടൻ അനിൽ കപൂർ ഇത്തവണത്തെ ബിഗ് ബോസ് ഒടിടി സീസണില്‍ അവതാരകനായി എത്തും.
“എആർ മുരുകദോസ് സംവിധാനം ചെയ്യുന്ന ചിത്രമായ സിക്കന്ദറിലാണ് സല്‍മാന്‍ ഇപ്പോള്‍ കൂടുതല്‍ ശ്രദ്ധ നല്‍കുന്നത്. അതിനാല്‍ ബിഗ് ബോസ് ഒടിടിയുടെ മൂന്നാം സീസണില്‍ ഹോസ്റ്റായി അദ്ദേഹം എത്തില്ല. സാങ്കേതികമായ ബുദ്ധിമുട്ടുകള്‍ കൂടി കണക്കിലെടുത്താണ് ഈ തീരുമാനം എന്നാണ് വിവരം. അതേസമയം അനില്‍ കപൂര്‍ സല്‍മാന്‍റെ സ്ഥാനത്തേക്ക് വരും. തന്‍റെതായ രീതിയില്‍ അദ്ദേഹം ഈ ഷോ എങ്ങനെ കൊണ്ടുപോകും എന്ന് ഈ സീസണില്‍ കാണാം” -ഷോയുമായി അടുത്ത വൃത്തം പറഞ്ഞു.
അതേസമയം അവതാരകന്‍റെ മാറ്റം ബിഗ് ബോസ് ഒടിടി സീസണ്‍ 3യുടെ പുതിയ പ്രമോയില്‍ വ്യക്തമാണ്. ബുധനാഴ്ച ജിയോ സിനിമ ഐപിഎല്ലിന് ഇടയില്‍ ഒരു മിനിറ്റ് ദൈർഘ്യമുള്ള പ്രൊമോയില്‍ സല്‍മാന്‍ ഖാന്‍ ഇല്ലായിരുന്നു.
