അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മലയാളികളുടെ മനസ്സിൽ എന്നും ഒരു പ്രത്യേകമായ സ്ഥാനമുള്ള നടിയാണ് മഞ്ജു വാര്യർ. തുടക്കകാലത്ത് വളരെ കുറച്ച് ചിത്രങ്ങളിൽ മാത്രമാണ് അഭിനയിച്ചിട്ടുള്ളത്. എങ്കിൽ പോലും മഞ്ജു വാര്യർ എന്നുപറഞ്ഞാൽ അത് മലയാളിക്ക് ഒരു പ്രത്യേക വികാരം തന്നെയാണ്. രണ്ടാമത്തെ തിരിച്ചുവരവിൽ മലയാളികൾ മുഴുവൻ മഞ്ജുവിനെ ഏറ്റെടുത്തതും ആ ഒരു ഇഷ്ടത്തിന്റെ പുറത്ത് തന്നെയാണ്.. അഭിനയിച്ച ചിത്രങ്ങൾ വളരെ കുറച്ച് ആണെങ്കിൽ പോലും അവയെല്ലാം പ്രേക്ഷകർക്ക് എന്നും ഓർമിച്ചു വയ്ക്കാൻ സാധിക്കുന്ന മനോഹരമായ കഥാപാത്രങ്ങൾ ആയിരുന്നു.
അതുകൊണ്ടു തന്നെയാണ് തിരിച്ചുവരവിൽ ലേഡീ സൂപ്പർസ്റ്റാർ എന്ന ഒരു പദവി കൂടി പ്രേക്ഷകർ മഞ്ജുവിന് നൽകിയത്. എന്നാൽ തന്നെ അങ്ങനെയൊന്നും വിളിക്കണ്ട എന്നും താനൊരു സാധാരണ നടിയാണ് എന്നും അങ്ങനെ വിളിക്കുന്നതാണ് തനിക്ക് കൂടുതൽ ഇഷ്ടമെന്നും പല അഭിമുഖങ്ങളിലും മഞ്ജു തുറന്നു പറയുകയും ചെയ്തു. എങ്കിലും ആദ്യകാല ചിത്രങ്ങളെ അപേക്ഷിച്ചു നോക്കുകയാണെങ്കിൽ മഞ്ജു വാര്യരുടെ രണ്ടാമത്തെ വരവിലെ ചിത്രങ്ങൾ ഒക്കെ തന്നെ കുറച്ച് പാളിപ്പോയി എന്ന് പലർക്കും തോന്നാവുന്നതാണ്. തിരിച്ചുവരവിൽ തനിക്ക് ലഭിച്ച കഥാപാത്രങ്ങളെല്ലാം തന്നെ കഥ കേൾക്കാതെ മഞ്ജു ചെയ്തോ എന്ന് പോലും ആളുകൾ ചോദിച്ചിരുന്നു.
മഞ്ജുവിനെ കുറിച്ച് പലതരത്തിലുള്ള ട്രോളുകളും നിറയുകയും ചെയ്തിരുന്നു. എങ്കിൽപോലും മഞ്ജു വാര്യരുടെ വ്യക്തിത്വത്തെക്കുറിച്ച് ആർക്കും യാതൊരു സംശയവുമില്ല വളരെയധികം ഐഡന്റിറ്റിയുള്ള സ്വന്തമായി നിലപാടുകളുള്ള ഒരു സ്ത്രീയാണ് മഞ്ജു എന്ന് പലപ്പോഴും പ്രേക്ഷകർ ഒരേപോലെ പറയാറുണ്ട്. നടൻ ദിലീപുമായുള്ള വിവാഹമോചനം കഴിയുന്ന സമയത്ത് പലരും എന്ത് പ്രശ്നത്തിലാണ് ഇരുവരും വേർപിരിഞ്ഞത് എന്ന് ചോദിച്ചിരുന്നു എങ്കിലും ദിലീപിനെതിരെ തന്റെ സ്വകാര്യ ജീവിതത്തെ സംബന്ധിക്കുന്നതുമായ ഒരു വാക്കുപോലും മഞ്ജുവിൽ നിന്നും പുറത്തു വന്നില്ല..
തന്റെ ഭർത്താവിനെയും മകളുടെ അച്ഛനെയും ഒരു വാക്കുകൊണ്ട് പോലും മോശക്കാരൻ ആക്കാൻ മഞ്ജു ആഗ്രഹിച്ചിരുന്നില്ല എന്നത് അവരുടെ വ്യക്തിത്വത്തിന്റെ ഏറ്റവും മികച്ച ഒന്നായി ആണ് പലരും കണ്ടിരുന്നത്. എന്നാൽ തെറ്റ് ചെയ്തത് തന്റെ ഭർത്താവ് ആണെങ്കിൽ പോലും അയാൾക്ക് എതിരെ നിൽക്കുമെന്ന ഒരു ഉറച്ച സ്ത്രീയുടെ ശബ്ദവും മഞ്ജു വാര്യരിൽ കാണാൻ സാധിച്ചു. തന്റെ സഹപ്രവർത്തക ആക്രമിക്കപ്പെട്ടപ്പോഴായിരുന്നു സ്വന്തം മകളുടെ വാക്കിന് പോലും പ്രാധാന്യം നൽകാതെ നീതിക്കൊപ്പം മഞ്ജു ഉറച്ചു നിന്നത്.
ഒരു പെൺകുട്ടിയുടെ മനസ്സ് മനസ്സിലാക്കുന്നതിനോടൊപ്പം തന്നെ നല്ല സുഹൃത്തിന് ചേർത്ത് പിടിക്കുക കൂടിയായിരുന്നു മഞ്ജു ചെയ്തത്. സൗഹൃദത്തിന് എന്നും മഞ്ജു വലിയ പ്രാധാന്യം നൽകിയിട്ടുണ്ട്. സംയുക്ത വർമ്മ, ഭാവന, ഗീതു മോഹൻദാസ് എന്നിവർ അടങ്ങുന്ന ഒരു വലിയ സൗഹൃദ കൂട്ടായ്മ തന്നെ മഞ്ജു വാര്യർക്കുണ്ട്. ഇപ്പോഴിതാ തങ്ങളുടെ സൗഹൃദ വലയത്തിലുള്ള ഭാവനയുടെ പിറന്നാൾ ദിവസം മനം നിറയ്ക്കുന്ന പിറന്നാൾ ആശംസകൾ ആയാണ് മഞ്ജു എത്തിയിരിക്കുന്നത്.
View this post on Instagram
എന്റെ പ്രിയപ്പെട്ടവൾക്ക് പിറന്നാളാശംസകൾ നിന്നോട് എന്നും ഇഷ്ടം മാത്രമാണ് ഉള്ളത് ഹാപ്പി ബർത്ത് ഡേ ലവ് ആൻഡ് ലൗ ഓൺലി എന്ന് പറഞ്ഞു കൊണ്ടാണ് ഭാവനക്കൊപ്പം ഉള്ള ഒരു മനോഹരമായ ചിത്രം മഞ്ജു പങ്കുവെച്ചിരിക്കുന്നത്. ഈ ചിത്രം കണ്ട് നിരവധി ആളുകളാണ് പലതരത്തിലുള്ള കമന്റുകളുമായി എത്തിയിരിക്കുന്നത്. ഈ സൗഹൃദം എന്നും ഇതേപോലെ നിലനിൽക്കട്ടെ എന്നും തോളോട് തോൾ ചേർത്ത് കൈവിടാത്ത സൗഹൃദമാണ് എന്നും കമന്റുകൾ വരുന്നുണ്ട്. മലയാള സിനിമയുടെ ഉരുക്കു വനിതകൾ ഒരു ഫ്രയിമിൽ എന്നായിരുന്നു മറ്റൊരാൾ കമന്റ് ചെയ്തത് ഇതിനോടകം തന്നെ സോഷ്യൽ മീഡിയ ഈ ചിത്രം ഏറ്റെടുത്ത് കഴിഞ്ഞു
