അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
മലയാള സിനിമയിൽ മികച്ച കഥാപാത്രങ്ങളിലൂടെ ശ്രദ്ധ നേടിയ സുരേഷ് ഗോപി ഇപ്പോൾ ശ്രദ്ധേയ സാന്നിധ്യമായി രാഷ്ട്രീയത്തിലും മാറിയിരിക്കുകയാണ്.. ബിജെപി പാർട്ടിയിൽ ചേർന്നതിനു ശേഷം സോഷ്യൽ മീഡിയയിൽ വലിയ തോതിലുള്ള വിമർശനങ്ങളാണ് സുരേഷ് ഗോപിക്ക് ഏൽക്കേണ്ടതായി വരുന്നത്. അത്തരത്തിൽ ഇപ്പോൾ സുരേഷ് ഗോപി തൃശ്ശൂരിൽ വിജയിച്ചതിനു ശേഷം വലിയതോതിലുള്ള വിമർശനങ്ങൾ കേൾക്കേണ്ട സാഹചര്യം ഉണ്ടാവുന്നുണ്ട്.
എന്നാൽ പലപ്പോഴും വിമർശനങ്ങൾക്കൊന്നും വലിയ പ്രാധാന്യം നൽകാത്ത വ്യക്തിയാണ് സുരേഷ് ഗോപി. അത് രാഷ്ട്രീയത്തിൽ നിലനിൽക്കുവാൻ വേണ്ടി സുരേഷ് ഗോപി കാണിക്കുന്ന ഒരു തന്ത്രമാണ് എന്ന് അവകാശപ്പെടുന്നവർ നിരവധിയാണ്. ഇപ്പോൾ അത്തരത്തിൽ സംസാരിക്കുന്നവർക്കുള്ള ഒരു മറുപടിയുമായാണ് ഒരു വീഡിയോ വൈറലായി മാറിയിരിക്കുന്നത്. 1989 സുരേഷ് ഗോപിയുടെ അഭിമുഖമായി എടുത്തതാണ് ഈ വീഡിയോ എന്ന പേരിലാണ് സോഷ്യൽ മീഡിയയിൽ വീഡിയോ പ്രചരിച്ചുകൊണ്ടിരിക്കുന്നത്. ഈ വീഡിയോയിൽ സുരേഷ് ഗോപിയെ അഭിമുഖം ചെയ്യുന്ന നടി പാർവതിയെ കാണാൻ സാധിക്കും. എല്ലാ ചോദ്യങ്ങൾക്കും വളരെ വ്യക്തമായ രീതിയിലുള്ള മറുപടി തന്നെയാണ് സുരേഷ് ഗോപിയുടെ ഭാഗത്ത് നിന്നും ഉണ്ടാവുന്നത്. ഇതും ശ്രദ്ധ നേടുന്ന കാര്യം തന്നെയാണ്.
സുരേഷ് ഗോപി ഒരു സോപ്പ് ആണ് എന്ന് പറയുന്നവർ ഉണ്ടല്ലോ എന്ന് പാർവതി ചോദിക്കുമ്പോൾ അതിന് വ്യക്തമായ രീതിയിൽ തന്നെ സുരേഷ് ഗോപി മറുപടി പറയുന്നുണ്ട്. ഒരു സോപ്പ് ആയതുകൊണ്ടാണ് സിനിമയിൽ നിലനിൽക്കുന്നത് എന്ന തരത്തിൽ സിനിമ മേഖലയിൽ തന്നെ ഒരു സംസാരം ഉണ്ട് എന്ന് പാർവതി പറയുമ്പോൾ. ഒരു സോപ്പ് ആയതുകൊണ്ട് സിനിമയിൽ നിലനിൽക്കാൻ പറ്റുമെന്ന് തനിക്ക് തോന്നുന്നില്ല എന്നാണ് സുരേഷ് ഗോപി പറയുന്നത്. അങ്ങനെയാണെങ്കിൽ ആ സോപ്പും പതിപ്പിച്ച് വീട്ടിലിരുന്നാൽ പോരെ എന്നും ചോദിക്കുന്നു.
പലരും കോംപ്ലക്സ് കൊണ്ടാണ് അത്തരത്തിൽ സംസാരിക്കുന്നത് എന്നും താൻ ഇത്തരം ഒരു പൊസിഷനിൽ എത്തി നിൽക്കുന്നതിന്റെ കോംപ്ലക്സ് ആളുകൾക്ക് ഉണ്ട് എന്നുമായിരുന്നു സുരേഷ് ഗോപിയുടെ മറുപടി. ഈ വാക്കുകൾ വളരെ വേഗം ശ്രദ്ധ നേടുകയായിരുന്നു ചെയ്തത്. ഒപ്പം തന്നെ സിനിമ മേഖലയിൽ പാരകൾ ഉണ്ടോ എന്ന ചോദ്യത്തിന് മറുപടി നൽകുന്നുണ്ട്. സിനിമ മേഖലയിൽ ഒരുപാട് പാരകൾ ഉണ്ട് എന്നും ഏറ്റവും കൂടുതൽ പാരകൾ ഉള്ള ഒരു രംഗമാണ് സിനിമയെന്നും സുരേഷ് ഗോപി പറയുന്നു.
തന്നെക്കാൾ കൂടുതലായി തന്നെ ഒരുപക്ഷേ അക്കാര്യത്തെക്കുറിച്ച് പാർവതിക്ക് മനസ്സിലാക്കാൻ സാധിക്കുമെന്നും നടിമാർക്കിടയിൽ വലിയ തോതിൽ പാരകൾ അനുഭവിക്കുന്ന ഒരു വ്യക്തിയാണ് പാർവതി എന്ന് തനിക്ക് നന്നായി അറിയാം എന്നുമാണ് സുരേഷ് ഗോപി പറയുന്നത്. എന്നാൽ ഇതിന് പാർവതി മറുപടി പറയുന്നത് കാണുന്നില്ല. സുരേഷ് ഗോപിയുടെ ഈ വീഡിയോ വൈറൽ ആയതിനു ശേഷം നിരവധി ആളുകളാണ് ഇദ്ദേഹത്തെ അഭിനന്ദിച്ചുകൊണ്ട് രംഗത്തെത്തുന്നത്.
പണ്ടുമുതൽ തന്നെ വ്യക്തമായ നിലപാടുകൾ ഉള്ള വ്യക്തിയാണ് സുരേഷ് ഗോപി എന്നും ചിലർ പറയുന്നുണ്ട്. അതോടൊപ്പം മകൻ ഗോകുൽ സുരേഷിന്റെ സംസാരത്തോട് സമാനത തോന്നുന്നുണ്ട് സുരേഷ് ഗോപിയുടെ മറുപടികൾക്ക് എന്നും ചിലർ കമന്റുകളിലൂടെ പറയുന്നു. തന്നെ വിമർശിക്കുന്നവരെ ഒന്നും തന്നെ താൻ ഗൗനിക്കാറില്ല എന്നും എല്ലാം ദൈവത്തിൽ വിട്ടുകൊടുത്ത് ജീവിക്കുകയാണ് ചെയ്യുന്നത് എന്നും ഈ അഭിമുഖത്തിൽ സുരേഷ് ഗോപി പറയുന്നുണ്ട്. എല്ലാ കാര്യങ്ങളും താൻ ദൈവത്തിന് വിട്ടുകൊടുക്കുന്നത് കൊണ്ടാണ് വളരെ കൂളായി തനിക്ക് നിൽക്കാൻ സാധിക്കുന്നത് എന്നും സുരേഷ് ഗോപിയുടെ വാക്കുകളിൽ നിന്നും മനസ്സിലാക്കാൻ സാധിക്കുന്നുണ്ട്.
