അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.യൂണിയന്‍ ബാങ്ക് ഓഫ് ഇന്ത്യ സീനിയര്‍ അനലിസ്റ്റ് (ബിസിനസ് ഫിനാന്‍സ്) റോളിലേക്ക് യോഗ്യതയുള്ള ഉദ്യോഗാര്‍ത്ഥികളില്‍ നിന്ന് അപേക്ഷ ക്ഷണിച്ചു. ജൂലൈ നാല് വരെ അപേക്ഷിക്കാം. ലഭിക്കുന്ന അപേക്ഷകളില്‍ നിന്നും യോഗ്യതയെ അടിസ്ഥാനമാക്കിയുള്ള അപേക്ഷകള്‍ ഷോര്‍ട്ട്ലിസ്റ്റ് ചെയ്യുകയും ഷോര്‍ട്ട്ലിസ്റ്റ് ചെയ്ത അപേക്ഷകരെ അഭിമുഖത്തിന് ക്ഷണിക്കുകയും ചെയ്യുന്ന തരത്തിലാണ് തിരഞ്ഞെടുക്കല്‍ പ്രക്രിയ. താല്‍പ്പര്യവും യോഗ്യതയുമുള്ള ഉദ്യോഗാര്‍ത്ഥികള്‍ക്ക് ഔദ്യോഗിക വെബ്സൈറ്റ് വഴി ഓണ്‍ലൈനായി അപേക്ഷിക്കാം. ഓണ്‍ലൈന്‍ അപേക്ഷാ നടപടികള്‍ ജൂണ്‍ 14 ന് ആരംഭിച്ചു കഴിഞ്ഞു.
പ്രസ്തുത തസ്തികയില്‍ ഒരു ഒഴിവ് മാത്രമാണ് ഉള്ളത്. ഉദ്യോഗാര്‍ത്ഥികള്‍ക്ക് 40 നും 50 നും ഇടയില്‍ പ്രായമുള്ളവരായിരിക്കണം. ആനുകാലിക പ്രകടന അവലോകനങ്ങളോടെ 3 വര്‍ഷത്തേക്ക് കരാര്‍ അടിസ്ഥാനത്തിലാണ് നിയമനം നടത്തുന്നത്. കരാറിന്റെ കാലാവധി അഞ്ച് വര്‍ഷത്തിന് വിധേയമായി ഒരു വര്‍ഷത്തേക്ക് ബാങ്കിന്റെ സ്വന്തം വിവേചനാധികാരത്തില്‍ നീട്ടാവുന്നതാണ്. നിയമനം മുംബൈയിലായിരിക്കും. തിരഞ്ഞെടുക്കപ്പെട്ട ഉദ്യോഗാര്‍ത്ഥിക്ക് അവരുടെ യോഗ്യതകള്‍, അനുഭവ പരിചയം, അതത് തസ്തികകളിലേക്കുള്ള മൊത്തത്തിലുള്ള അനുയോജ്യത എന്നിവയെ അടിസ്ഥാനമാക്കിയുള്ള ശമ്പളം ലഭിക്കും.
ആര്‍ക്കൊക്കെ അപേക്ഷിക്കാം?
അപേക്ഷകര്‍ ഐ സി എ ഐ അംഗീകരിച്ച ഒരു സ്ഥാപനത്തില്‍ നിന്നുള്ള യോഗ്യതയുള്ള ചാര്‍ട്ടേഡ് അക്കൗണ്ടന്റായിരിക്കണം. ഉദ്യോഗാര്‍ത്ഥികള്‍ക്ക് ഒരു ഷെഡ്യൂള്‍ പൊതുമേഖലാ ബാങ്ക് / ഷെഡ്യൂള്‍ പ്രൈവറ്റ് സെക്ടര്‍ ബാങ്ക് / ഫോറിന്‍ ബാങ്ക് എന്നിവയില്‍ കുറഞ്ഞത് 15 വര്‍ഷത്തെ പോസ്റ്റ് – ക്വാളിഫിക്കേഷന്‍ അനുഭവം ഉണ്ടായിരിക്കണം. അതിനുള്ളില്‍ സീനിയര്‍ മാനേജ്മെന്റ് തസ്തികയിലോ ധനകാര്യ വകുപ്പ് മേധാവിയിലോ കുറഞ്ഞത് 8 വര്‍ഷത്തെ പ്രവൃത്തിപരിചയം ഉണ്ടായിരിക്കണം.
എങ്ങനെ അപേക്ഷിക്കാം
ആവശ്യമായ യോഗ്യതയും പരിചയവുമുള്ള ഉദ്യോഗാര്‍ത്ഥികള്‍ക്ക് ഔദ്യോഗിക വെബ്സൈറ്റ് വഴി ഓണ്‍ലൈനായി അപേക്ഷിക്കാം. ഓണ്‍ലൈനായി അപേക്ഷിക്കുന്നതിന് അപേക്ഷകര്‍ ചുവടെ സൂചിപ്പിച്ച ഘട്ടങ്ങള്‍ പിന്തുടരുക. ഔദ്യോഗിക വെബ്സൈറ്റ് തുറന്ന് റിക്രൂട്ട്മെന്റ് / കരിയര്‍ / ഒഴിവുകള്‍ എന്നിവയില്‍ ക്ലിക്ക് ചെയ്യുക. ബന്ധപ്പെട്ട വിജ്ഞാപനം പരസ്യം തുറക്കുക. വിജ്ഞാപനം വായിച്ച് ആവശ്യമായ വിവരങ്ങള്‍ നല്‍കി അപേക്ഷാ ഫോം പൂരിപ്പിച്ച് സബ്മിറ്റ് ചെയ്യുക.
വ്യവസ്ഥകള്‍
എല്ലാ ആശയവിനിമയങ്ങളും ( കോള്‍ ലെറ്ററുകള്‍/ഇന്റര്‍വ്യൂ തീയതികള്‍/ഉപദേശങ്ങള്‍ മുതലായവ) ഉദ്യോഗാര്‍ത്ഥി അവരുടെ ഓണ്‍ലൈന്‍ അപേക്ഷാ ഫോമില്‍ സൂചിപ്പിച്ച ഇമെയില്‍ ഐഡി വഴി മാത്രമേ നടത്തുകയുള്ളൂ. അതിനാല്‍ മെയില്‍ സജീവമായി പരിശോധിക്കണം. ഉദ്യോഗാര്‍ത്ഥികള്‍ ഏറ്റവും പുതിയ സിവി അപ്ലോഡ് ചെയ്യേണ്ടതുണ്ട്. അല്ലാത്തപക്ഷം അവരുടെ അപേക്ഷ / കാന്‍ഡിഡേറ്റ് ഷോര്‍ട്ട്ലിസ്റ്റിംഗ്/ഇന്റര്‍വ്യൂവിന് പരിഗണിക്കില്ല.
ഉദ്യോഗാര്‍ത്ഥികളുടെ ഷോര്‍ട്ട് ലിസ്റ്റിംഗ് താല്‍കാലികവും ഉദ്യോഗാര്‍ത്ഥി റിപ്പോര്‍ട്ട് ചെയ്യുമ്പോള്‍ ഒറിജിനലുകളുമായുള്ള പ്രമാണ പരിശോധനയ്ക്ക് വിധേയവുമാണ്. അപേക്ഷ സമര്‍പ്പിക്കുന്നതിന് മുമ്പ് ഉദ്യോഗാര്‍ത്ഥികള്‍ യോഗ്യതാ തീയതിയിലെ പോസ്റ്റിനുള്ള യോഗ്യതാ മാനദണ്ഡങ്ങള്‍ പാലിക്കുന്നുണ്ടെന്ന് ഉറപ്പുവരുത്തണം. അഭിമുഖത്തിന് വിളിച്ചതിന് ശേഷം യോഗ്യതാ മാനദണ്ഡം (പ്രായം, വിദ്യാഭ്യാസ യോഗ്യത, അനുഭവം മുതലായവ) തൃപ്തികരമല്ലെന്ന് കണ്ടെത്തിയാല്‍ ഒഴിവാക്കും.
അപേക്ഷകര്‍ ‘ekam.unionbankofindia.co.in/career‘ എന്ന ലിങ്ക് വഴി ഓണ്‍ലൈനില്‍ മാത്രമെ അപേക്ഷ സമര്‍പ്പിക്കാവൂ. അപേക്ഷ സമര്‍പ്പിക്കുന്നതിന് മറ്റ് രീതികളൊന്നുമില്ല. അപേക്ഷ സ്വീകരിക്കുന്നതിലും മറ്റും എന്തെങ്കിലും പൊരുത്തക്കേടുകളോ തര്‍ക്കങ്ങളോ ഉണ്ടായാല്‍ ബാങ്ക് തീരുമാനം അന്തിമമായിരിക്കും.
