അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലയാള സിനിമയിലെ യുവ നടിയും ഗായികയുമാണ് മഡോണ സെബാസ്റ്റ്യന്‍. യൂ റ്റു ബ്രൂട്ടസ് എന്ന സിനിമയില്‍ ഗായികയായാണ് സിനിമയില്‍ അരങ്ങേറ്റം നടത്തുന്നത്. 2015 ല്‍ പുറത്തിറങ്ങിയ അല്‍ഫോന്‍സ് പുത്രന്റെ പ്രേമം എന്ന സിനിമയിലൂടെ നടിയായി വെള്ളിത്തിരയില്‍ അരങ്ങേറ്റം കുറിച്ചു. 2016 ല്‍ തമിഴില്‍ ഇറങ്ങിയ കാതലും കടന്തു പോകും, കിംഗ് ലയര്‍ എന്നീ ചിത്രങ്ങളിലും മഡോണ ശ്രദ്ധേയമായ അഭിനയം കാഴ്ചവച്ചിരുന്നു. പ്രശസ്ത മലയാള സംഗീത സംവിധായക പരിപാടിയായ മ്യൂസിക് മജോയില്‍ പങ്കെടുത്തതോടെ ധാരാളം പ്രേക്ഷക പ്രശംസ പിടിച്ചുപറ്റുകയും ചെയ്തു.
ഇപ്പോളിതാ മഡോണയുടെ ഫോട്ടോഷൂട്ട് വൈറലാണ് സോഷ്യല്‍ മീഡിയയില്‍. സാരിയില്‍ തിളങ്ങി നില്‍ക്കുന്ന ചിത്രമാണ് പുറത്ത് വന്നിരിക്കുന്നത്. ഇന്‍സ്റ്റ ഗ്രാമിലൂടെ നടി തന്നെയാണ് ചിത്രം പങ്കുവെച്ചത്. നിരവധി പേരാണ് മഡോണയുടെ ചിത്രങ്ങള്‍ക്ക് കമന്റുമായി രംഗത്തെത്തിയിരിക്കുന്നത്. നിമിഷനേരം കൊണ്ടുതന്നെ ചിത്രങ്ങളെല്ലാം തന്നെ സോഷ്യല്‍ മീഡിയ ഏറ്റെടുത്ത് കഴിഞ്ഞു.
പത്മിനി എന്ന ചിത്രത്തിലാണ് മലയാളത്തില്‍ മഡോണ അവസാനമായി അഭിനയിച്ചത്. സെന ഹെഖ്‌ടെ സംവിധാനം ചെയ്ത ചിത്രം ഒരു കോമഡി ഫാമിലി ചിത്രമായിരുന്നു. തമിഴില്‍ അവസാനം വിജയ് നായകനായി എത്തിയ ലിയോയിലാണ് മഡോണയെ കണ്ടത്. വിജയിയുടെ സഹോദരിയായി പ്രത്യക്ഷപ്പെട്ട മഡോണയുടെ വേഷം ഏറെ ശ്രദ്ധിക്കപ്പെട്ടിരുന്നു. തമിഴില്‍ രണ്ട് ചിത്രങ്ങളാണ് ഇപ്പോള്‍ മഡോണ ചെയ്യുന്നത്.
