അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സിനിമയിൽ ആയാലും ജീവിതത്തിലായാലും നർമ്മം കൈകാര്യം ചെയ്യാൻ ദിലീപിന് നന്നായി അറിയാം. ജനപ്രിയ നായകൻ എന്ന ലേബലിൽ കുടുംബ പ്രേക്ഷകരുടെ ഇഷ്ടപ്പെട്ട താരമാണ് ദിലീപ്. മിമിക്രി വേദികളിലൂടെയാണ് സിനിമയിലേക്കുള്ള അരങ്ങേറ്റം. ഇന്നും സിനിമകളിൽ സജീവമാണ് നടൻ. പവി കെയർ ടേക്കർ എന്ന ചിത്രമാണ് അവസാനമായി പുറത്തിറങ്ങിയത്. വിനീത് കുമാർ സംവിധാനം ചെയ്ത ചിത്രത്തിന് സമ്മിശ്ര പ്രതികരണമാണ് തിയേറ്ററുകളിൽ നിന്നും ലഭിച്ചത്.
നേരത്തെ മഞ്ജു വാര്യരുമായി വിവാഹ ബന്ധം വേര്‍പെടുത്തിയ ദിലീപ് അടുത്ത വര്‍ഷം കാവ്യ മാധവനെ വിവാഹം കഴിക്കുകയായിരുന്നു. ഇപ്പോള്‍ ഇരുവര്‍ക്കും ഒരു മകളുമുണ്ട്. ജോഡികളായി ഒത്തിരി സിനിമകളില്‍ വേഷമിട്ട കാവ്യയും ദിലീപും ജീവിതത്തിലും ഒന്നിച്ചത് ഏറെ ചര്‍ച്ചയായിരുന്നു. ഇപ്പോഴിതാ സന്തോഷകരമായ ദാമ്പത്യ ജീവിതം നയിക്കുകാണ് ഇരുവരും. 2016 ലാണ് ദിലീപും കാവ്യ മാധവനും വിവാഹിതരാകുന്നത്. 1998ലാണ് മഞ്ജു വാര്യരുമായുള്ള വിവാഹം നടന്നത്. തുടര്‍ന്ന് 2015ലാണ് മഞ്ജു വാര്യരുമായുള്ള വിവാഹ ബന്ധം വേര്‍പെടുത്തിയത്.
ഇപ്പോൾ സോഷ്യൽ മീഡിയയിൽ ദിലീപിന്റെ ഒരു ചിത്രമാണ് വൈറൽ ആയിരിക്കുന്നത്. ദിലീപിന്റെ വരാനിരിക്കുന്ന ഇനിയും പേരിട്ടില്ലാത്ത ഡി 150 എന്ന ചിത്രത്തിന്റെ ലൊക്കേഷനിലേതാണ് ചിത്രം. ഒരമ്മ ദിലീപിനെ കാണാനെത്തുകയും മകനെ പോലെ ചേർത്ത് നിർത്തി വിശേഷങ്ങൾ ചോദിക്കുന്നതും ചിത്രങ്ങളിൽ കാണാം. ദിലീപ് ഫാൻസ് പേജിലാണ് ഈ ചിത്രം പങ്കുവെയ്ക്കപ്പെട്ടത്. നിരവധി പേരാണ് ഈ ഫോട്ടോയ്ക്ക് താഴെ കമന്റുമായി എത്തുന്നത്. ദിലീപിനെ എന്നെങ്കിലും നേരിട്ട് കാണണമെന്ന ആഗ്രഹമാണ് പലരും പറയുന്നത്. പല ആരാധകർക്കും മുന്നിൽ സർപ്രൈസായി ദിലീപ് എത്താറുണ്ട്.
കുറച്ച് നാളുകൾക്ക് മുൻപ് കാർ പോലും കയറാത്ത വളവിൽ താമസമാക്കിയ ഫാൻസ് അസോസിയേഷൻ ഭാരവാഹിയേയും അദ്ദേഹത്തിന്റെ കുടുംബത്തേയും എത്രയോ അകലെ കാർ നിർത്തിയ ശേഷം നടന്നുപോയി ദിലീപ് നേരിട്ട് കണ്ടിരുന്നു. മിമക്രി കലാകാരനായ മഹേഷ് കുഞ്ഞുമോനെ കാണാനായി മഹേഷിന്റെ വീട്ടിൽ ദിലീപ് എത്തിയിരുന്നു. അപകടത്തെ തുടർന്ന് പരിക്കേറ്റ മഹേഷ് ഇപ്പോൾ പതിയെ പരിപാടികൾ അവതരിപ്പിച്ച് തുടങ്ങിയിട്ടുണ്ട്. അതേ സമയം, ഓണം റിലീസായി പ്രതീക്ഷിക്കുന്ന ചിത്രമാണ് ദിലീപ് നായകനായ ഡി 150. ബിന്റോ സ്റ്റീഫൻ ആണ് ചിത്രത്തിന്റെ സംവിധാനം.
ആരാധകർക്ക് ദിലീപിനോടുള്ള അതേ സ്നേഹം അതേ സ്നേഹം ദിലീപിന്റെ കുടുംബത്തിനോടും ഉണ്ട്. പരിപാടികൾക്കൊക്കെ വരുമ്പോൾ കുടുംബമായിട്ടാണ് ദിലീപ് വരാറുള്ളത്. എല്ലാവർക്കും അറിയേണ്ടത് ദിലീപിന്റെ മകൾ മീനാക്ഷിയുടെ കാര്യമാണ്. അടുത്തിടെയാണ് മീനാക്ഷി മെഡിക്കൽ പഠനം പൂർത്തിയാക്കിയത്. ഇനി ഡെർമറ്റോളജിയിൽ ശ്രദ്ധ കേന്ദ്രീകരിക്കണം എന്നാണ് മീനാക്ഷിയുടെ ആഗ്രഹം.
