പുതിയ ചിത്രം ‘കേരളാ ലൈവി’ന്റെ രണ്ടാം ഷെഡ്യൂള്‍ ആരംഭിച്ചുവെന്ന് നടനും സംവിധായകനുമായ സന്തോഷ് പണ്ഡിറ്റ്. ചിത്രത്തില്‍ നൂറിലധികം പുതുമുഖ താരങ്ങള്‍ അണിനിരക്കുന്നു എന്നും മഴയും തന്റെ ചില ചാരിറ്റി പ്രവര്‍ത്തനങ്ങളും കാരണമാണ് ചിത്രം നീണ്ടുപോയതെന്നും നടന്‍ പറയുന്നു. ഫേസ്ബുക്കിലൂടെയാണ് താരം വിവരം പങ്കുവെച്ചത്. ക്യാമറ ഒഴികെ എല്ലാ ജോലികളും താന്‍ ഒറ്റക്കാണ് ചെയ്യുന്നതെന്നും എഡിറ്റിങ് , ഡബ്ബിംഗ് ജോലികള്‍ ഉടനേ ചെയ്ത് തീര്ത്തു ഓണം റിലീസ് പ്രതീക്ഷിക്കുന്നു എന്നും എല്ലാവരുടെയും അനുഗ്രഹം പ്രതീക്ഷിക്കുന്നു എന്നും സന്തോഷ് പണ്ഡിറ്റ് പറയുന്നു.
ഫേസ്ബുക്ക് പോസ്റ്റിന്റെ പൂര്‍ണരൂപം;
Dear Facebook family,
വെറും 5 ലക്ഷം രൂപാ ബഡ്ജറ്റില്‍ ഒരുങ്ങുന്ന എന്റെ 12-ാമത്തെ സിനിമ ‘കേരളാ ലൈവ്’ രണ്ടാം ഷെഡ്യൂള്‍ ഉടനെ ആരംഭിക്കുന്ന വിവരം എല്ലാവരെയും സന്തോഷത്തോടെ അറിയിക്കുന്നു.. എന്നോടൊപ്പം ഡയലോഗ് ഉള്ള 100 + പുതുമുഖ നടീ നടന്‍മാര്‍ അഭിനയിക്കുന്നു.
ആദ്യ ഷെഡ്യൂള്‍ കഴിഞ്ഞതില്‍ പിന്നെ മഴ, എന്റെ ചില കുഞ്ഞു ചാരിറ്റി പ്രവര്‍ത്തനങ്ങള്‍ ഒക്കെ ആയി തുടര്‍ച്ചയായി യാത്രയില്‍ ആയതിനാല്‍ കുറേ സമയം പോയതാണ് ഒരു ചെറിയ ഗ്യാപ് വരുവാന്‍ കാരണം. ചില ഗാനങ്ങള്‍ ഷില്ലോങ്, ഡാര്‍ജിലിംഗ് ഭാഗത്ത് ഷൂട്ട് ചെയ്ത് കഴിഞ്ഞ്.. ആകെ 8 പാട്ട് ഉണ്ടേ.. ബാക്കി ഗാനങ്ങള്‍ കുളു, മണാലി, കാശ്മീര്‍ ഉടനേ ചെയ്യണം.. രണ്ടു സംഘട്ടനങ്ങള്‍ ഷൂട്ട് ചെയ്ത് കഴിഞ്ഞ് ട്ടോ. ബാക്കി ഈ ഷെഡ്യൂളില്‍ പൂര്‍ത്തി ആക്കണം..
ക്യാമറ ഒഴികെ എല്ലാ ജോലികളും ഞാന്‍ ഒറ്റക്ക് ചെയ്യുന്നു. എഡിറ്റിങ് , ഡബ്ബിംഗ് ജോലികള്‍ ഉടനേ ചെയ്ത് തീര്ത്തു ഓണം റിലീസ് പ്രതീക്ഷിക്കുന്നു. എല്ലാവരുടെയും അനുഗ്രഹം പ്രതീക്ഷിക്കുന്നു..
By Santhosh Pandit (പണ്ഡിറ്റിനെ പോലെ ആരുമില്ല..)