അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.അവതാരകയായി എത്തി പിന്നീട് മലയാള സിനിമയില് തന്റെ സാന്നിധ്യം അറിയിച്ച നടിയാണ് മീര നന്ദന്. നിലവില് സിനിമയില് അത്ര സജീവമല്ലെങ്കിലും താരത്തിന്റെ അപ്ഡേറ്റുകള് അറിയാന് മലയാളികള്ക്ക് ഏറെ താല്പര്യമാണ്. ഇപ്പോഴിതാ വിവാഹ തയ്യാറെടുപ്പിലാണ് താരം. ഇന്നലെയായിരുന്നു മീരയുടെ ഹല്ദി ഫങ്ഷന്. ഇതിന്റെ ചിത്രങ്ങളെല്ലാം സോഷ്യല് മീഡിയയില് വൈറലായിരുന്നു. നടിമാരായ നസ്രിയ നസീം, ശ്രിന്ദ, ആന് അഗസ്റ്റിന്, സെലിബ്രിറ്റി മേക്കപ്പ് ആര്ട്ടിസ്റ്റുമായ ഉണ്ണി പി.എസ് , സജിത്ത് ആന്റ് സുജിത്ത് എന്നിവരും മെഹന്ദിയില് പങ്കെടുത്തിരുന്നു. ഇപ്പോളിതാ സംഗീത് ചടങ്ങുകളുടെ ചിത്രങ്ങളാണ് പുറത്ത് വന്നിരിക്കുന്നത്.
മീര നന്ദന് തന്നെയാണ് തന്റെ ഇന്സ്റ്റഗ്രാം അക്കൗണ്ടിലൂടെ സംഗീത് ചടങ്ങുകളുടെ ചിത്രങ്ങള് പങ്കുവെച്ചത്. ഈ ചടങ്ങിനായി പേസ്റ്റല് നിറത്തിലുള്ള ലഹങ്കയാണ് മീര തിരഞ്ഞെടുത്തത്. പിസ്താ ഗ്രീന് കളറിലുള്ള ബ്ലൗസും ഓറഞ്ച് യെല്ലോ കോമ്പിനേഷന് ഉള്ള പാവാടയും യെല്ലോ ഷോളുമാണ് നടി ധരിച്ചത്. ഈ പുത്തന് ലുക്കിലെ ആഭരണങ്ങളും എടുത്തു പറയേണ്ടതായിരുന്നു. മള്ട്ടി കളര് കല്ലുകള് വെച്ച ചോക്കറും അതേ മള്ട്ടി കളര് പാറ്റേണില് വരുന്ന വളകളും ആണ് നടി ധരിച്ചത്. സെന്ട്രല് പാര്ട്ടീഷന് എടുത്ത് മുടി അഴിച്ചിട്ടിരിക്കുകയായിരുന്നു. മൊത്തത്തില് പറയുകയാണെങ്കില് വളരെ എലഗന്റ് ലുക്കിലാണ് മീര നന്ദന് എത്തിയത്.
ചടങ്ങില് പങ്കെടുക്കാന് മീര നന്ദന്റെ ഉറ്റ സുഹൃത്തുക്കള് എല്ലാരും തന്നെ ഉണ്ടായിരുന്നു. നിരവധി കലാപരിപാടികളും ചടങ്ങനോടനുബന്ധിച്ച് നടത്തി. മീരയുടെ പാട്ടും, സുഹൃത്തുക്കള്ക്കൊപ്പമുളള ഡാന്സും ഇപ്പോള് വൈറലാണ് സോഷ്യല് മീഡിയയില്.
മ്യൂസിക്കല് റിയാലിറ്റി ഷോയിലൂടെ എത്തി അവതാരകയായി മാറിയ മീര നന്ദന് ‘മുല്ല’ എന്ന മലയാള സിനിമിയിലെ ആദ്യ കഥാപാത്രത്തിലൂടെ തന്നെ പ്രേക്ഷകര്ക്ക് പ്രിയങ്കരിയായി മാറുകയായിരുന്നു. ലാല് ജോസാണ് മീരയെ സിനിമ ലോകത്തിലേക്ക് എത്തിച്ചതും മുല്ലയില് നായികയാക്കിയതും. സിനിമയില് നിന്ന് ഇടവേള എടുത്ത് ഇപ്പോള് അജ്മാന് ഗോള്ഡ് എഫ്.എംമില് ആര്ജെയായി ജോലി ചെയ്യുകയാണ് മീര. അറേഞ്ച്ഡ് മാര്യേജ് എന്ന നിലയിലാണ് ലണ്ടനില് അക്കൗണ്ടന്റായി ജോലി ചെയ്യുന്ന ശ്രീജുവിനെ കണ്ടെത്തുന്നത്. ‘മുല്ല’യുള്പ്പടെ 35 ല്പ്പരം സിനിമകളില് അഭിനയിച്ചിട്ടുള്ള മീര തമിഴ്, തെലുങ്ക്, കന്നഡ സിനിമകളിലും തന്റെ സാന്നിധ്യം അറിയിച്ചിട്ടുണ്ട്.
