അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.സൗന്ദര്യത്തിന്റെ കാര്യത്തില് മുന്പന്തിയില് നില്ക്കുന്ന നായികമാരില് ഒരാളാണ് തമന്ന ഭാട്ടിയ. തെന്നിന്ത്യന് സിനിമകളിലൂടെ പ്രേക്ഷകരുടെ മനംകവര്ന്ന നടിയാണ് തമന്ന. മുംബൈയില് നിന്നുള്ള തമന്ന തമിഴ്, തെലുങ്ക് സിനിമകളിലൂടെയാണ് സൂപ്പര് താരമായി മാറുന്നത്. സൗന്ദര്യത്തിലും അഭിനയത്തിലുമെല്ലാം മുന്നിട്ട് നില്ക്കുന്ന തമന്നയ്ക്ക് കേരളത്തിലടക്കം നിരവധി ആരാധകരുണ്ട്.
ചാന്ദ് സാ റോഷന് ചേഹേര എന്ന ഹിന്ദി ചിത്രത്തിലൂടെയാണ് തമന്ന തന്റെ അഭിനയ ജീവിതം ആരംഭിച്ചത്. ശ്രീ എന്ന ചിത്രത്തിലൂടെ തെലുങ്ക് സിനിമയിലും കേടി എന്ന ചിത്രത്തിലൂടെ തമിഴ് സിനിമയിലും നടി അരങ്ങേറ്റം കുറിച്ചു. 2007-ല് പുറത്തിറങ്ങിയ ഹാപ്പി ഡേയ്സ്, കല്ലൂരി എന്നീ ചിത്രങ്ങളാണ് താരത്തിന്റെ അഭിനയജീവിതത്തില് വഴിത്തിരിവായത്.
തന്റെ ബ്യൂട്ടി സീക്രട്ട് ടിപ്സ് ആരാധകരുമായി പങ്കുവെച്ചിരിക്കുകയാണ് താരമിപ്പോള്. മുഖം മൃദുലമാക്കുന്നതിനും സ്ഥിരമായി മേക്കപ്പ് ഉപയോഗിച്ചത് വഴി മുഖത്തിന്റെ സ്വാഭാവികത നഷ്ടപ്പെട്ടവര്ക്കും വേണ്ടിയാണ് ഈ ടിപ്സ് തമന്ന പങ്കുവെച്ചിരിക്കുന്നത്. തെന്നിന്ത്യന് താരസുന്ദരി തമന്നയുടെ തിളങ്ങുന്ന ചര്മ്മം ഇനി നിങ്ങള്ക്കും ലഭിക്കും.
- മുഖം കൂടുതല് മൃദുലമാകുന്നതിന് വേണ്ടി ചെയ്യേണ്ടത് ഇത്രമാത്രം;
ഒരു സ്പൂണ് കാപ്പിപ്പൊടി ഒരു സ്പൂണ് ചന്ദനം ഒരു സ്പൂണ് തേന് എന്നിവ നന്നായി മിക്സ് ചെയ്യുക. ശേഷം ഈ മിശ്രിതം മുഖത്ത് എല്ലായിടത്തും പുരട്ടുക. കണ്ണിന്റെ പുറത്തും കണ്ണിനോട് ചേര്ന്നുള്ള ഭാഗങ്ങളും ഒഴികെ മുഖത്തെ എല്ലായിടത്തും കഴുത്തിലും നിങ്ങള്ക്ക് ഇത് പുരട്ടാവുന്നതാണ്. വരണ്ട ചര്മം ആണ് നിങ്ങളുടേത് എങ്കില് തേന് അല്പ്പം കൂടുതല് ചേര്ക്കുന്നത് നന്നായിരിക്കും. 10 മിനിറ്റ് ശേഷം ഈ മിശ്രിതം മുഖത്തുനിന്നും കഴുകി കളയുക. മുഖം വൃത്തിയായി മൃദുലമാകാന് ഈ ഫേസ് പാക്ക് നിങ്ങളെ സഹായിക്കുമെന്ന് നടി പറയുന്നു.
- നിരന്തരമായി മേക്കപ്പ് ഇട്ട് മുഖത്തിന്റെ സ്വാഭാവികത നഷ്ടപ്പെട്ട് പോയവര്ക്കുളള ടിപ്പാണ് നടി അടുത്തതായി പങ്കുവെച്ചിരിക്കുന്നത്. അതെന്താണെന്ന് നോക്കാം;
കടലമാവും റോസ് വാട്ടറും തൈരും മാത്രമാണ് ഈ ഫേസ് പാക്കിന് ആവശ്യമായിട്ടുള്ളത്. ഇവ മൂന്നും നന്നായി മിക്സ് ചെയ്ത് മുഖത്ത് പുരട്ടുക. ശേഷം 10 മിനിറ്റ് വെയിറ്റ് ചെയ്തതിനുശേഷം ഈ മിശ്രിതം മുഖത്തുനിന്നും കഴുകി കളയാം. തനിക്ക് നല്ല റിസല്ട്ട് ആണ് ഈ പായ്ക്ക് ഉപയോഗിക്കുന്നതിലൂടെ ലഭിച്ചിട്ടുള്ളതെന്നും നടി പറഞ്ഞു.
