അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വളരെ ജനപ്രീതിയുള്ള നടനാണ് ധ്യാന്‍ ശ്രീനിവാസന്‍. എന്തും നര്‍മ്മത്തില്‍ കലര്‍ത്തി തുറന്നുപറയുന്ന പ്രകൃതമാണ് ധ്യാനിനെ പ്രേക്ഷകര്‍ക്ക് പ്രിയങ്കരനാക്കിയത്. ധ്യാനിന്റെ അഭിമുഖങ്ങള്‍ക്ക് ഒരുപാട് പ്രേക്ഷകരാണ് ഉള്ളത്. ധ്യാന്‍ അഭിനയിച്ച ചിത്രങ്ങളേക്കാള്‍ ധ്യാനിന്റെ ഇന്റര്‍വ്യൂകള്‍ വന്‍ ഹിറ്റായി മാറാറുണ്ട്. ഇപ്പോള്‍ ഇതാ മറ്റൊരു രസകരമായ കഥ പങ്കുവയ്ക്കുകയാണ് താരം. ഫ്‌ളവേഴ്‌സ് ചാനലിലെ ഒരു കോടി വിത്ത് കോമഡി എന്ന പരിപാടിയില്‍ അതിഥിയായി എത്തിയതായിരുന്നു ധ്യാന്‍.
ധ്യാനിന്റെ ഇന്റര്‍വ്യൂകള്‍ ഹിറ്റാകുന്നതിനെക്കുറിച്ച് ശ്രീകണ്ഠന്‍ നായര്‍ ചോദിക്കുന്ന ചോദ്യത്തിന് രസകരമായ മറുപടി നല്‍കുകയാണ് ധ്യാന്‍ ശ്രീനിവാസന്‍. ’10 ലക്ഷം പേരാണ് തന്റെ ഒരു ഇന്റര്‍വ്യൂ കാണുന്നതെങ്കില്‍ ആ 10 ലക്ഷം ഗുണം 100 കൂട്ടിയാല്‍ തന്നെ 10 കോടിയായി. അപ്പോള്‍ തന്നെ സിനിമ ഹിറ്റായി. അങ്ങനെ ഒരു അവസ്ഥ ഇതുവരെ ഉണ്ടായിട്ടില്ല’ ധ്യാന്‍ പറഞ്ഞു.
View this post on Instagram
ധ്യാന്‍ അഭിനയിച്ച പടങ്ങളെക്കാളും ധ്യാനിന്റെ ഡയലോഗുകള്‍ ഹിറ്റാകാറുണ്ടെന്നും ജീവിതത്തിലെ ബോറടി മാറ്റാനായി ചിലര്‍ ധ്യാനിന്റെ ഇന്റര്‍വ്യൂകള്‍ കാണാറുണ്ടെന്നും ശ്രീകണ്ഠന്‍ നായര്‍ പറയുന്നു. കൂടാതെ ആളുകളെ ഇങ്ങനെ പിടിച്ചിരിത്തുന്നതും ഒരു ബാധ്യത അല്ലേ എന്ന് അവതാരകന്‍ ചോദിക്കുന്നു. ഇതൊക്കെ വലിയ ബാധ്യതയാണ് എന്നായിരുന്നു താരത്തിന്റെ മറുപടി.
തിര ആയിരുന്നു ധ്യാനിന്റെ ആദ്യത്തെ സിനിമ. ധ്യാനിന്റെ അരങ്ങേറ്റ സിനിമയായിരുന്നു അത്. വീനീത് ശ്രീനിവാസനായിരുന്നു തിരയുടെ സംവിധായകന്‍. കാലങ്ങള്‍ക്ക് ശേഷം വര്‍ഷങ്ങള്‍ക്ക് ശേഷം എന്ന ചിത്രത്തിലൂടെ ധ്യാനും വിനീതും വീണ്ടും നടനും സംവിധായകനുമായി ഒരുമിക്കുകയും ചെയ്തു. ചിത്രം ബോക്‌സ് ഓഫീസില്‍ മികച്ച വിജയം നേടുകയും ചെയ്തു.
