അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഹൈദരാബാദ്: പ്രേമത്തിലെ മലര്‍മിസ്സായി മലയാളികളുടെ മനസ്സില്‍ ഇടം പിടിച്ച ഇഷ്ട നായികയാണ് സായി പല്ലവി. സായി പല്ലവിയുമായി ബന്ധപ്പെട്ട മിക്ക വീഡിയോകളും സോഷ്യല്‍ മീഡിയയില്‍ വൈറല്‍ ആകാറുണ്ട്. താരം എംബിബിഎസ് ബിരുദധാരിയായിരിക്കുകയാണ് ഇപ്പോള്‍.സായി പല്ലവി കോണ്‍വൊക്കേഷന്‍ ചടങ്ങില്‍ പങ്കെടുക്കുന്നതിന്റെയും ഡിഗ്രി ഏറ്റുവാങ്ങുന്നതിന്റെയും ദൃശ്യങ്ങള്‍ സോഷ്യല്‍ മീഡിയയില്‍ ഇപ്പോള്‍ തരംഗമാണ്.
ജോര്‍ജിയയിലെ ടിബിഎല്‍സി മെഡിക്കല്‍ യൂണിവേഴ്‌സിറ്റിയില്‍ നിന്നാണ് സായി പല്ലവി എംബിബിഎസ് എടുത്തത്. നിരവധി പേരാണ് താരത്തിന് കമന്റിലൂടെ ആശംസകള്‍ നേര്‍ന്ന് മുന്നോട്ട് വരുന്നത്. നിതീഷ് തിവാരി സംവിധാനം ചെയ്യുന്ന ‘രാമായണ്‍’ ആണ് സായി പല്ലവിയുടെ പുതിയ ചിത്രം. രാമയണത്തെ ആസ്പദമാക്കി ഒരുക്കുന്ന ചിത്രത്തില്‍ സീതയായാണ് നടി അഭിനയിക്കുന്നത്. രണ്‍ബീര്‍ കപൂറാണ് രാമന്‍. ആലിയ ഭട്ടിനെയാണ് സംവിധായകന്‍ സീതയായി പരിഗണിച്ചിരുന്നത്. എന്നാല്‍ താരം ചിത്രത്തില്‍ നിന്ന് പിന്മാറിയിരുന്നു.
@Sai_Pallavi92 now not only actor also a doctor. She got MBBS Degree#saipallavi #mbbs #Georgia #tandel pic.twitter.com/zICfZdaEoO
— Rajababu Anumula (@Rajababu_a) July 6, 2024
2024 മാര്‍ച്ചില്‍ സിനിമയുടെ ചിത്രീകരണം ആരംഭിച്ചിരുന്നു. മൂന്ന് ഭാഗങ്ങളായാണ് സിനിമയൊരുങ്ങുന്നത്. 2025ലാണ് ആദ്യ ഭാഗത്തിന്റെ റിലീസ് പ്രതീക്ഷിക്കുന്നത്. തെലുങ്ക്, തമിഴ്, മലയാളം സിനിമകളില്‍ വലിയ ആരാധക നിരയുളള നടിയാണ് സായി പല്ലവി. നാല് ഫിലിംഫെയര്‍ അവാര്‍ഡുകള്‍ സൗത്ത്, രണ്ട് സൗത്ത് ഇന്ത്യന്‍ ഇന്റര്‍നാഷണല്‍ മൂവി അവാര്‍ഡുകള്‍ എന്നിവയുള്‍പ്പെടെ നിരവധി അംഗീകാരങ്ങള്‍ താരത്തിന് ലഭിച്ചിട്ടുണ്ട് .
