2023 ലെ ഫിലിംഫെയര്‍ സൌത്ത് പുരസ്‌കാരങ്ങള്‍ പ്രഖ്യാപിച്ചു. മലയാളം, തമിഴ്, തെലുങ്ക്, കന്നഡ ഭാഷാ സിനിമകളിലെ മികവുകള്‍ക്കാണ് പുരസ്‌കാരം. രതീഷ് ബാലകൃഷ്ണന്‍ പൊതുവാള്‍ സംവിധാനം ചെയ്ത ന്നാ താന്‍ കേസ് കൊട് ആണ് മലയാളത്തിലെ മികച്ച ചിത്രം. രതീഷ് ബാലകൃഷ്ണന്‍ പൊതുവാള്‍ മികച്ച സംവിധായകന്‍. മികച്ച നടന്‍ കുഞ്ചാക്കോ ബോബനും മികച്ച നടി ദര്‍ശന രാജേന്ദ്രനുമാണ്. തെലുങ്ക്, തമിഴ് ഭാഷകളിലും മലയാളികള്‍ക്ക് പുരസ്‌കാരങ്ങള്‍ ഉണ്ട്.
മലയാളത്തിലെ മികച്ച നടിയായി തിരഞ്ഞെടുക്കപ്പെട്ടിരിക്കുന്നത് ദര്‍ശന രാജേന്ദ്രന്‍ ആണ്. മികച്ച ചിത്രം (ക്രിട്ടിക്‌സ്)- അറിയിപ്പ് മികച്ച നടന്‍ (ക്രിട്ടിക്‌സ്)- അലന്‍സിയര്‍ (അപ്പന്‍), മികച്ച നടി (ക്രിട്ടിക്‌സ്)- രേവതി [ഭൂതകാലം], സഹനടന്‍- ഇന്ദ്രന്‍സ് (ഉടല്‍)
സഹനടി- പാര്‍വ്വതി തിരുവോത്ത് (പുഴു), മികച്ച ആല്‍ബം- വാശി (സംഗീത സംവിധാനം- കൈലാസ് മേനോന്‍), ഗാനരചന- അരുണ്‍ ആലാട്ട് (ഗാനം- ദര്‍ശനാ, ചിത്രം- ഹൃദയം), പിന്നണി ഗായകന്‍- ഉണ്ണി മേനോന്‍ (ഗാനം- രതി പുഷ്പം, ചിത്രം- ഭീഷ്മ പര്‍വ്വം), മികച്ച പിന്നണി ഗായിക- മൃദുല വാര്യര്‍ (ഗാനം- മയില്‍പീലി, ചിത്രം- പത്തൊമ്പതാം നൂറ്റാണ്ട്)
തമിഴിലെ മികച്ച ചിത്രം പൊന്നിയിന്‍ സെല്‍വന്‍ 1, സംവിധായകന്‍- മണി രത്‌നം (പൊന്നിയിന്‍ സെല്‍വന്‍ 1), മികച്ച നടന്‍- കമല്‍ ഹാസന്‍, മികച്ച നടി (ക്രിട്ടിക്‌സ്)- നിത്യ മേനന്‍, സഹനടി- ഉര്‍വ്വശി (വീട്‌ല വിശേഷം) തെലുങ്കിലെ മികച്ച ചിത്രമായി തിരഞ്ഞെടുക്കപ്പെട്ടിരിക്കുന്നത് ആര്‍ആര്‍ആര്‍, സംവിധായകന്‍- എസ് എസ് രാജമൌലി (ആര്‍ആര്‍ആര്‍),മികച്ച നടന്‍- രാം ചരണ്‍, ജൂനിയര്‍ എന്‍ടിആര്‍ (ആര്‍ആര്‍ആര്‍), മികച്ച ചിത്രം (ക്രിട്ടിക്‌സ്)- സീതാരാമം, മികച്ച നടന്‍ (ക്രിട്ടിക്‌സ്)- ദുല്‍ഖര്‍ സല്‍മാന്‍ (സീതാരാമം)