അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ബിഗ്‌ബോസ് മത്സരാര്‍ത്ഥികളായ നാദിറ മെഹറിനും അസല്‍ റോക്കിയും ഒരുമിച്ച് വെളളിത്തിരയിലേക്ക്. ഇതുവരെ ബിഗ് ബോസ് മലയാളത്തില്‍ പങ്കെടുത്തിട്ടുള്ള ട്രാന്‍സ്‌ജെന്റേഴ്‌സ് മത്സരാര്‍ത്ഥികളില്‍ ഏറ്റവും ജനപ്രീതി നേടിയ മത്സരാര്‍ത്ഥിയാണ് നാദിറ മെഹ്‌റിന്‍. ബിഗ് ബോസിനുശേഷം നിരവധി സിനിമകളില്‍ സഹനടിയായി നാദിറ തിളങ്ങിയിട്ടുണ്ട്. ബിഗ്‌ബോസ് സീസണ്‍ 6 കണ്ടസ്റ്റന്റായിരുന്നു റോക്കി. സഹമത്സരാര്‍ത്ഥിയെ കൈയ്യേറ്റം ചെയ്തതിന്റെ പേരില്‍ റോക്കി സീസണില്‍ നിന്നും പുറത്തായിരുന്നു. ഇപ്പോഴിതാ റോക്കിയുടെയും നാദിറയുടെയും സിനിമ തിയേറ്ററുകളില്‍ എത്താന്‍ പോകുകയാണ്.
‘ഞങ്ങള്‍ ഒരുമിച്ച് ഒരു സിനിമ ചെയ്യുന്നുണ്ട്. റോക്കിയുടെ ആദ്യ സിനിമയാണ് വരാന്‍ പോകുന്നത്. റോക്കി കാണുന്നത് പോലെയല്ല പാവമാണ്. വളരെ ചില്ലാണ്. മാത്രമല്ല ഞങ്ങള്‍ രണ്ടുപേരും തിരുവന്തപുരംകാരുമാണ്. ട്രിവാന്‍ഡ്രംകാരുടെ അഭിമാനാണ്. ഈ സിനിമയുടേത് നല്ല സ്റ്റോറിയാണ്. സസ്‌പെന്‍സ് ത്രില്ലറാണ്. റോക്കിക്ക് ഇപ്പോള്‍ പാന്‍ ഇന്ത്യന്‍ റീച്ചാണ്. ഗൂഗിളില്‍ സെര്‍ച്ച് ചെയ്താല്‍ റോക്കിയുടെ ഇഷ്യു കാണാം. സിനിമയില്‍ റോക്കിയുടേത് നല്ല റോളാണ്. സ്‌ക്രീന്‍ സ്‌പേസുണ്ട്. റോക്കി നിഷ്‌കളങ്കനാണ്. ഈ ശരീരത്തില്‍ ഒരു കുഞ്ഞ് മനസുണ്ട്’, നാദിറ പറഞ്ഞു.
റോക്കിയും ആദ്യ സിനിമയുമായി ബന്ധപ്പെട്ട വിശേഷങ്ങള്‍ പങ്കിട്ടു. ‘നാദിറയുടെ കൂടെ സിനിമ ചെയ്യാന്‍ പറ്റിയതില്‍ സന്തോഷം. സ്‌ക്രിപ്റ്റ് മുഴുവന്‍ കേട്ടിട്ടില്ല. നല്ലൊരു പ്രോജക്ടാണെന്ന് തോന്നിയതുകൊണ്ടാണ് അഭിനയിക്കുന്നത്. പക്ഷെ ഹീറോയൊന്നുമല്ല. വ്യത്യസ്തമായ രീതിയിലാണ് മേക്കിങൊക്കെ. നാദിറയെ ഞാന്‍ ആദ്യമായി കാണുന്നത് സീസണ്‍ അഞ്ച് ഗ്രാന്റ് ഫിനാലെ കാണാന്‍ പോയപ്പോഴാണ്. അതിനുശേഷം ഈ സിനിമയുമായി ബന്ധപ്പെട്ട് ഇപ്പോഴാണ് നാദിറയെ ഞാന്‍ കാണുന്നത്’, റോക്കി പറയുന്നു. ഗ്ലോബല്‍ മലയാളം എന്ന യുട്യൂബ് ചാനലിനോട് സംസാരിക്കുന്നതിനിടയിലാണ് പുതിയ സിനിമ വിശേഷങ്ങള്‍ ഇരുവരും ഒരുമിച്ച് പങ്കുവെച്ചത്.
