അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ഇന്ന് ഇന്ത്യൻ മെനുവിലെ ഒരു ജനപ്രിയ ഭക്ഷണം തയ്യാറാക്കി നോക്കിയാലോ? ഇതൊരു സ്റ്റാർട്ടർ ആണ്. വൈകുന്നേരത്തെ ലഘുഭക്ഷണമായും ഇത് കഴിക്കാം. മസാല പപ്പഡ് ചാറ്റ് ആണ് സംഭവം. വളരെ എളുപ്പത്തിൽ രുചികരമായി ഇത് തയ്യാറാക്കാം. റെസിപ്പി നോക്കിയാലോ?
ആവശ്യമായ ചേരുവകൾ
- പപ്പഡ് – 1 നമ്പർ
- സവാള – 1 ചെറുത് (അരിഞ്ഞത്)
- തക്കാളി – 1/2 ചെറുത് (അരിഞ്ഞത്)
- മല്ലിയില – 1 ടീസ്പൂൺ
- പച്ചമുളക് – 1 എണ്ണം (അരിഞ്ഞത്)
- നാരങ്ങ നീര് – 1/4 ടീസ്പൂൺ
- ചാട്ട് മസാല – 1/4 ടീസ്പൂൺ
- ഉപ്പ് പാകത്തിന്
തയ്യാറാക്കുന്ന വിധം
പപ്പഡ് ഇരുവശത്തും ഏകദേശം 30 സെക്കൻഡ് വരെ മൈക്രോവേവ് ചെയ്യുക. അരിഞ്ഞ ഉള്ളി, തക്കാളി, പച്ചമുളക്, മല്ലിയില, നാരങ്ങ നീര് എന്നിവ യോജിപ്പിക്കുക. രുചിക്ക് ചാട്ട് മസാല ചേർക്കുക. വിളമ്പുന്ന സമയത്ത് ഈ മിശ്രിതം പപ്പടത്തിൽ ധാരാളമായി പരത്തുക. രുചികരമായ മസാല പപ്പഡ് ചാറ്റ് തയ്യാർ.
