അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.എബ്രിഡ് ഷൈൻ സംവിധാനം ചെയ്ത ആക്ഷൻ ഹീറോ ബിജു എന്ന ചിത്രത്തിലൂടെ ശ്രദ്ധേയനായ നടനാണ് പ്രശാന്ത് അലക്സാണ്ടർ. ജൂനിയർ ആർട്ടിസ്റ്റായാണ് നടൻ കരിയർ ആരംഭിക്കുന്നത്. നിരവധി ചെറിയ വേഷങ്ങൾ താരം ചെയ്തിട്ടുണ്ട്. എന്നാൽ താരത്തിന് ഒരു കരിയർ ബ്രേക്ക് സമ്മാനിക്കുന്നത് ആക്ഷൻ ഹീറോ ബിജു ആയിരുന്നു. പിന്നീട് കൃഷന്ദ് സംവിധാനം ചെയ്ത പുരുഷ പ്രേതത്തിൽ നായക വേഷത്തിലും എത്തി.
നിഥിന്‍ രഞ്ജി പണിക്കര്‍ സംവിധാനം ചെയ്ത നാഗേന്ദ്രന്‍സ് ഹണിമൂണ്‍ എന്ന വെബ് സീരീസിലും ആദ്യവസാനം നിറഞ്ഞുനില്‍ക്കുന്ന കഥാപാത്രത്തെ അവതരിപ്പിക്കാന്‍ പ്രശാന്തിന് സാധിച്ചു. സുരാജിന്റെ കൂട്ടുകാരനായ സോമനായി മികച്ച പ്രകടനമാണ് പ്രശാന്ത് കാഴ്ചവെച്ചത്. ഇപ്പോഴിതാ സിനിമയെ കുറിച്ച് കൂടുതൽ കാര്യങ്ങൾ പങ്കുവെക്കുകയാണ് പ്രശാന്ത് അലക്സാണ്ടർ.
“ലോക്ക് ഡൗൺ സമയത്ത് യൂട്യൂബിൽ പഴയ സിനിമകൾ കാണുമായിരുന്നു. അതിനകത്ത് വരുന്ന നാട്ടിൻപുറങ്ങൾ, അവിടുത്തെ കഥാപാത്രങ്ങൾ, സംഭവങ്ങൾ ഒന്നും ഇന്നത്തേത് പോലെ അല്ല. അന്നത്തെ ജീവിതങ്ങൾ കണ്ട് ഒരു റെട്രോ മൂഡിലൂടെയാണ് കടന്നു പോകുന്നത്. അപ്പോഴാണ് അതുപോലൊരു കഥ വരുന്നത്. അതേ സാഹചര്യങ്ങളിലൂടെ കടന്നു പോകാൻ സാധ്യതയുള്ള കഥാപാത്രം കിട്ടുന്നു . അതൊരു രസകരമായ അനുഭവം ആയിരുന്നു. ഇതിലേക്ക് വന്നതും കയറിയതും ചെയ്തുതീർത്തതും എല്ലാം ദൈവാനുഗ്രഹമായി കാണുന്നു. ഇത് റെയർ ആയി സംഭവിക്കുന്ന ഒന്നാണ്”- എന്നായിരുന്നു പ്രശാന്ത് അലക്സാണ്ടർ പറഞ്ഞത്.
നിഥിന്‍ തന്നെ ഈ സീരീസിലേക്ക് വിളിച്ചത് പുരുഷപ്രേതത്തിലെ പെര്‍ഫോമന്‍സ് കണ്ടിട്ടാണെന്ന് പ്രശാന്ത് പറഞ്ഞു. ആദ്യമായി ചെയ്ത നായകവേഷമായിരുന്നു പുരുഷപ്രേതമെന്നും ആരും കാണാന്‍ ചാന്‍സില്ല എന്ന് വിചാരിച്ച സിനിമയായിരുന്നു അതെന്നും പ്രശാന്ത് പറഞ്ഞു. എന്നാല്‍ ഒ.ടി.ടിയില്‍ കിട്ടിയ റെസ്‌പോണ്‍സ് ഞെട്ടിച്ചുവെന്നും ആ സിനിമ കണ്ടിട്ടാണ് നാഗേന്ദ്രനിലേക്ക് വിളിച്ചതെന്ന് പറഞ്ഞപ്പോള്‍ കഥ പോലും കേള്‍ക്കാതെയാണ് അഭിനയിക്കാമെന്ന് സമ്മതിച്ചതെന്നും പ്രശാന്ത് കൂട്ടിച്ചേര്‍ത്തു. മൂവീ വേള്‍ഡ് മീഡിയയോട് സംസാരിക്കുകയായിരുന്നു താരം.
‘പുരുഷപ്രേതം റിലീസായിക്കഴിഞ്ഞ ശേഷം ആദ്യത്തെ വിളി വന്നത് നാഗേന്ദ്രന്‍സ് ഹണിമൂണിലേക്കാണ്. പുരുഷപ്രേതത്തിലെ പെര്‍ഫോമന്‍സ് കണ്ടിട്ടാണ് വിളിക്കുന്നതെന്നറിഞ്ഞപ്പോള്‍ സന്തോഷമായി. കാരണം, ആദ്യമായി നായകനായി അഭിനയിച്ച സിനിമയാണ് പുരുഷപ്രേതം. നമ്മളൊക്കെ നായകനായാല്‍ ആര് കാണാനാണ് എന്ന് വിചാരിച്ച് ഇരിക്കുകയായിരുന്നു. ഒ.ടി.ടി റിലീസായതുകൊണ്ട് അധികം ആളുകള്‍ അറിയില്ലെന്ന് കരുതിയതാണ്.
പക്ഷേ, പ്രതീക്ഷകളെല്ലാം തകര്‍ത്ത് ഗംഭീര റെസ്‌പോണ്‍സാണ് പുരുഷപ്രേതത്തിന് കിട്ടിയത്. ഈ സിനിമ ഇറങ്ങിയ ഉടനെ അതിലെ പെര്‍ഫോമന്‍സ് കണ്ട് വേറൊരു പ്രൊജക്ടിലേക്ക് വിളക്കുന്നു എന്നറിഞ്ഞപ്പോള്‍ സന്തോഷമായി. കഥ കേള്‍ക്കണ്ടേ എന്ന് ചോദിച്ചപ്പോള്‍ അതിന്റെയൊന്നും ആവശ്യമില്ല എന്ന് പറഞ്ഞാണ് ഞാന്‍ നാഗേന്ദ്രനില്‍ അഭിനിയിച്ചത്,’ പ്രശാന്ത് പറഞ്ഞു.
content highlight: prasanth-alexander-opens-up-about-nagendran-s-honeymoon
