അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: സിനിമ നടി-നടന്മാര്‍ക്കെതിരേ അശ്ലീല പ്രയോഗങ്ങള്‍ നടത്തുന്നുവെന്ന പരാതിയില്‍ യുട്യൂബര്‍ ആറാട്ട് അണ്ണന്‍ എന്ന സന്തോഷ് വര്‍ക്കിയെ പാലാരിവട്ടം പോലീസ് താക്കീത് ചെയ്തു വിട്ടയച്ചു. നടന്‍ ബാല നല്‍കിയ പരാതിയിലാണ് നടപടി.
താരങ്ങളെയും കുടുംബാംഗങ്ങളെയും അശ്ലീല പദങ്ങള്‍ ഉപയോഗിച്ച് സോഷ്യല്‍ മീഡിയയില്‍ അവഹേളിക്കുന്നുവെന്ന് കാണിച്ച് നടന്‍ ബാല കഴിഞ്ഞ ദിവസം താരസംഘടനയായ അമ്മയിലും പാലാരിവട്ടം പോലീസിലും പരാതി നല്‍കിയിരുന്നു. മുമ്പ് നടന്‍ ബാലയെയും സന്തോഷ് വര്‍ക്കി സോഷ്യല്‍ മീഡിയയിലൂടെ അധിക്ഷേപിക്കുകയുണ്ടായി.
ബാലയുടെ പരാതി അമ്മ ജനറല്‍ സെക്രട്ടറി സിദിഖ് ഗൗരവമായി എടുക്കുകയായിരുന്നു. തുടര്‍ന്ന് പോലീ സ്റ്റേഷനിലേക്ക് വിളിച്ചുവരുത്തിയ സന്തോഷ് വര്‍ക്കി ഉന്നത പോലീസ് ഉദ്യോഗസ്ഥരുടെ സാന്നിധ്യത്തില്‍ മേലില്‍ ഇത്തരം കാര്യങ്ങള്‍ ആവര്‍ത്തിക്കില്ലെന്ന് എഴുതി ഒപ്പുവച്ചു. ഇനിയും ഇത്തരം കാര്യങ്ങള്‍ ആവര്‍ത്തിച്ചാല്‍ കേസെടുക്കുമെന്ന് പോലീസ് ഇയാള്‍ക്ക് മുന്നറിയിപ്പ് നല്‍കി.
നടിമാര്‍ക്ക് പ്രണയാഭ്യര്‍ത്ഥനകള്‍ നടത്തി സോഷ്യല്‍ മീഡിയയില്‍ വിവാദങ്ങള്‍ ഉണ്ടാക്കുന്നയാളാണ് സന്തോഷ് വര്‍ക്കി. നടി നിത്യ മേനോനെ വിവാഹം കഴിക്കണമെന്ന ആഗ്രഹം പറഞ്ഞ് നിരന്തരം വിളിച്ചിരുന്ന ആളാണ് സന്തോഷ് വര്‍ക്കിയെന്ന് നടി വെളിപ്പെടുത്തിയിരുന്നു. ഇതിന് പിന്നാലെ മറ്റ് ചില നടിമാരെയും വിളിച്ച് ശല്യം ചെയ്തുവെന്ന് ഇയാള്‍ക്കെതിരെ ആരോപണം വന്നു.
ഈയിടെ നടി ഐശ്വര്യ ലക്ഷ്മിയെ കുറിച്ച് പറഞ്ഞാണ് സന്തോഷ് വീണ്ടും വാര്‍ത്തകളില്‍ നിറയുന്നത്. ഇന്‍സ്റ്റാഗ്രാം പേജിലൂടെ നടി ഐശ്വര്യ ലക്ഷ്മിയുമായി ലിപ്‌ലോക്ക് ചെയ്യാന്‍ ആഗ്രഹമുണ്ടെന്ന് പറഞ്ഞാണ് സന്തോഷ് വിവാദത്തിലായിരിക്കുന്നത്. വീഡിയോ വൈറലായതിന് പിന്നാലെ ഇദ്ദേഹത്തെ വിമര്‍ശിച്ച് കൊണ്ട് നിരവധി പേരാണ് എത്തുന്നത്.
‘ഐശ്വര്യ ലക്ഷ്മി വളരെ ഹോട്ടാണ്. മായനദിയിലൊക്കെയുണ്ട്. ഇന്റിമേറ്റ് സീന്‍ ചെയ്യാന്‍ അവര്‍ക്കൊരു മടിയുമില്ല. അവരുമായി ഒരു സിനിമയില്‍ ലിപ്‌ലോക്ക് ചെയ്യാന്‍ ആഗ്രഹമുണ്ട്. ജീവിതത്തില്‍ അല്ല, സിനിമയില്‍ അവരുമായി ലിപ്‌ലോക്ക് ചെയ്യാന്‍ താല്‍പര്യമുണ്ട്.’ എന്നുമാണ് സന്തോഷ് പറഞ്ഞിരിക്കുന്നത്.
പല നടിമാരെയും വിവാഹം കഴിക്കാന്‍ താല്‍പര്യമുണ്ടെന്ന് പറഞ്ഞാണ് സന്തോഷ് രംഗത്ത് വരാറുള്ളത്. ആദ്യം നിത്യ മേനോന്‍ ആയിരുന്നെങ്കില്‍ പിന്നീട് പല നടിമാരിലേക്കും മാറി. ലേഡി സൂപ്പർസ്റ്റാർ മഞ്ജു വാര്യരെ കുറിച്ചും ഇദ്ദേഹം സംസാരിച്ചിരുന്നു. ഇടയ്ക്ക് നടി മീനയുടെ ഭര്‍ത്താവ് മരിച്ചതോടെ അവരെയും വിവാഹം കഴിക്കാന്‍ താല്‍പര്യമുണ്ടെന്നും ഇദ്ദേഹം പറഞ്ഞു.
മീനയുടെ ഭര്‍ത്താവ് മരിച്ചതിനാല്‍ അവര്‍ക്കൊരു ജീവിതം കൊടുക്കാന്‍ താന്‍ തയ്യാറാണെന്നും നടിയ്‌ക്കൊരു മകളുണ്ട് എന്നത് പ്രശ്‌നമൊന്നുമല്ലെന്നും സന്തോഷ് പറഞ്ഞിരുന്നു. ഇതൊക്കെ പുതിയ വിവാദങ്ങള്‍ക്കാണ് വഴിയൊരുക്കിയത്.
